எனது தந்தையின் சமூகப் பணியையும் அரசியல் பணியையும் தொடர்ந்து செய்வேன் - நடிகர் விஜய் வசந்த்

காந்தி பிறந்த தினத்தையொட்டி கன்னியாகுமரி மாவட்டம் நாகர்கோவில் வடசேரி மாநகராட்சி பூங்காவில் உள்ள காந்தி சிலைக்கு, மறைந்த கன்னியாகுமரி, தொகுதி நாடாளுமன்ற உறுப்பினர் வசந்தகுமாரின் மகனும் திரைப்பட  நடிகருமான விஜய் வசந்த்  மற்றும் ஏராளமான காங்கிரஸ் கட்சியினர் மாலை அணிவித்து மரியாதை செலுத்தினர்.

இதனையடுத்து செய்தியாளர்களுக்கு பேட்டியளித்த வசந்த குமாரின் மகன் விஜய் வசந்த் கூறும்போது " உத்திரப்பிரதேச மாநிலத்தில் ராகுல் காந்தி மீது போலீசார் தாக்குதல் நடத்திய சம்பவம் கடும் கண்டனத்திற்குரியது.

Also read... ராகுல் காந்தி கீழே விழுந்தது சித்தரிக்கப்பட்டதுபோல உள்ளது - அமைச்சர் ராஜேந்திர பாலாஜி விமர்சனம்



கன்னியாகுமரி மாவட்டத்தைப் பொறுத்தவரை தனது தந்தை இந்த தொகுதி மக்களுக்காக செய்த சமூக மற்றும் அரசியல் பணிகளை தொடர்ந்து செய்து அவரது விருப்பத்திற்கு ஏற்ப பொதுமக்களுக்கு சேவை ஆற்றுவேன் என்று கூறினார்.

இதனையடுத்து அவர் நாகர்கோவில் வேப்பமூடு சந்திப்பில் உள்ள காமராஜர் சிலைக்கு அவரது நினைவு நாளை ஒட்டி மாலை அணிவித்து மரியாதை செலுத்தினார். இதில் ஏராளமான காங்கிரஸ் கட்சியினர் கலந்து கொண்டனர்.