Home /News /tamil-nadu /

விபரீதத்தில் முடிந்த இரண்டாம் கல்யாணம்.. இளம்பெண் கொலையா? போலீசார் தீவிர விசாரணை

விபரீதத்தில் முடிந்த இரண்டாம் கல்யாணம்.. இளம்பெண் கொலையா? போலீசார் தீவிர விசாரணை

குடியாத்தம் கொலை சம்பவம்

குடியாத்தம் கொலை சம்பவம்

Mysterious Death: வேலூர் மாவட்டம் ஒடுகத்தூர்  அருகே  குடும்ப  பிரச்னை  காரணமாக  மனைவியை  அடித்து  கொன்றதாக  கணவனை  கைது  செய்த  போலீசார்  விசாரணை  நடத்தி வருகின்றனர். 

    வேலூரில் குடும்ப  பிரச்னை  காரணமாக  மனைவியை  அடித்து  கொலை செய்த கணவன்.. வரதட்சணை கொடுமையா என போலீசார் தீவிர விசாரணை. 

    ஒடுகத்தூர் அடுத்த ஓங்கபாடி  கிராமத்தை  சேர்ந்தவர்  கண்ணியப்பன்  மகன்  ரவி(33). இவருக்கு  ஏற்கனவே  திருமணமாகி  மனைவி  பிரிந்து சென்று  விட்டார். அதேபோல்,  ஆம்பூர்  அடுத்த  மேல்சானங்குப்பம்  கிராமத்தை  சேர்ந்தவர்  சங்கர்  மகள்  சத்யா(26).  இவருக்கும்  ஏற்கனவே  திருமணமாகி  கணவரை  பிரிந்து  தாய்  வீட்டில்  வசித்து  வந்தார்.

    இந்நிலையில்,  இவர்கள்  இரண்டு  பேருக்கும்  பெரியோர்கள்  முன்னிலையில்  கடந்த  ஓர்  ஆண்டுக்கு  முன்  திருமணம்  நடந்தது. ஆனால், கடந்த  ஆறு  மாதத்திற்கு  முன்பு  சத்யா  தனது  தம்பி  ஸ்ரீதரிடம்  போன்  செய்து  எனது  கணவர்  மற்றும்  குடும்பத்தினர்  ரூ.50 ஆயிரம்  பணம்  கேட்டு  கொடுமைபடுத்துவதாக  கூறினாராம். இதனால்,  சத்யாவின்  குடும்பத்தினர்  ஓங்கப்பாடிக்கு  சென்று  சமாதானம்  செய்துள்ளனர்.

    Also Read: ஆத்திகர்களை விட நாத்திகர்கள் அதிக மூடநம்பிக்கை கொண்டவர்கள் - ஜேம்ஸ் வசந்தன்

    பின்னர்,  நேற்று  மீண்டும்  குடும்பத்தாருக்கு  போன்  செய்த  சத்யா  என்னை  நம்  வீட்டிற்கு  கூட்டி  செல்லுமாறு  அழுதுள்ளார்.  அப்போது  பேசிய  ரவி  இன்னும்  இரண்டு  நாள்  கழித்து  நானே  கொண்டு  வந்து  விடுவதாக  கூறியுள்ளார். இந்நிலையில்,  இன்று காலை  ரவியின்  உறவினர்கள்  அவரின்  செல்போனில்  இருந்து  சத்யா  தம்பி  ஸ்ரீதருக்கு  போன்  செய்து  உன்  அக்கா  இறந்து  விட்டதாக  கூறியுள்ளனர்.  இதனால்  அதிர்ச்சியடைந்த  பெண்  வீட்டார்   தனது  குடும்பத்துடன்  ஓங்கப்பாடிக்கு  சென்று  பார்த்தபோது  சத்யா  அறையில்  இறந்து  கிடந்தார்.

    இதுகுறித்து,  பெண்  வீட்டார்  ரவியிடம்  விசாரித்தபோது  சத்யா  தூக்கிட்டு  தற்கொலை  செய்து  கொண்டதாக  கூறினார். ஆனால்  சத்யாவின்  கழுத்தில்  நகத்தின்   கீறல்கள்  இருந்ததால்  சந்தேகமடைந்த  பெண்  வீட்டார்  50க்கும்  மேற்பட்டோர்  திடீரென  வேப்பங்குப்பம்  காவல்நிலையத்தை  முற்றுகையிட்டனர். அவர்களை  போலீசார்  சமாதானம்  செய்தனர்.
    மேலும்,  இதுகுறித்து  வேப்பங்குப்பம்  போலீசில் புகார் கொடுத்தனர்.

    Also Read: திமுக-வுக்கு ஓட்டு கேட்டு சிக்கலில் சிக்கிய வெளிநாட்டு தொழிலதிபர்

    அதில்  குடும்ப  பிரச்னை  காரணமாக  சத்யாவை  அவரது  கணவரும்  மற்றும்  குடும்பத்தாரும்  சேர்ந்து  அடித்து  கொலை  செய்ததாகவும்,  அவர்களை  கைது  செய்து  உரிய  நடவடிக்கை  எடுக்க  வேண்டும்  என்று  கூறினர். அதன்பேரில்,  இன்ஸ்பெக்டர்  உலகநாதன்  வழக்குப்பதிவு செய்து ரவியை  சந்தேகத்தின் பேரில் கைது  செய்து  விசாரணை  நடத்தி  வருகிறார். இதற்கிடையில்  சடலத்தை  கைப்பற்றிய  போலீசார்  பிரேத பரிசோதனைக்காக வேலூர் அரசு மருத்துவமனைக்கு  அனுப்பி வைத்தனர். குடும்ப  பிரச்னை  காரணமாக  மனைவியை  கணவனே  அடித்து  கொன்ற  சம்பவம்  அப்பகுதியில்  பெரும்  பரபரப்பை  ஏற்படுத்தியுள்ளது.

    செய்தியாளர் : கோபி (குடியாத்தம்)
    Published by:Ramprasath H
    First published:

    Tags: Crime News, Death, Husband Wife, Murder, Police

    அடுத்த செய்தி