அமமுகவின் பொதுச்செயலாளராக டிடிவி தினகரன் தேர்வு... நிர்வாகிகள் கூட்டத்துக்குப் பின் அறிவிப்பு

அமமுக கட்சியாக பதிவு செய்யப்பட்டால், அதிமுக மீது டிடிவி தினகரன் எந்த உரிமையும் கோர முடியாது.

news18
Updated: April 19, 2019, 2:30 PM IST
அமமுகவின் பொதுச்செயலாளராக டிடிவி தினகரன் தேர்வு... நிர்வாகிகள் கூட்டத்துக்குப் பின் அறிவிப்பு
டிடிவி.தினகரன்
news18
Updated: April 19, 2019, 2:30 PM IST
அமமுகவை கட்சியாக தேர்தல் ஆணையத்தில் டிடிவி தினகரன் பதிவு செய்ய உள்ள டிடிவி தினகரன், அதன் பொதுச்செயலாளராக தேர்வு செய்யப்பட்டுள்ளார்.

அதிமுகவில் ஈ.பி.எஸ் - ஒ.பி.எஸ் அணி இணைந்த பின்னர், டிடிவி தினகரன் அமமுக என்ற இயக்கத்தை தொடங்கினார்.

 அமமுகவின் பொதுச்செயலாளராக சசிகலாவும், துணைப் பொதுச்செயலாளராக டிடிவி தினகரனும் பொறுப்பு வகிப்பார்கள் என்று அறிவிக்கப்பட்டது.


நடந்து முடிந்த மக்களவை தேர்தல் மற்றும் சட்டமன்ற இடைத்தேர்தலில் அமமுக வேட்பாளர்கள் சுயேட்சையாகவே போட்டியிட்டனர்.

அமமுக அரசியல் கட்சியாக பதிவு செய்யப்படாததால், அவர்கள் சுயேட்சையாக போட்டியிட்டனர். எனினும், உச்ச நீதிமன்றம் சென்று பரிசுப்பெட்டி சின்னத்தை டிடிவி தினகரன் பொதுச்சின்னமாக பெற்றார்.

இந்நிலையில், அமமுகவை அரசியல் கட்சியாக தேர்தல் ஆணையத்தில் டிடிவி தினகரன் பதிவு செய்ய உள்ளதாக தகவல்கள் வெளியானது.
Loading...
தேர்தல் சின்னம் கேட்டு நீதிமன்றத்தில் வழக்கு நடந்த போது, நீதிமன்றத்தில் உறுதியளித்தபடி, அமமுகவை கட்சியாக பதிவு செய்ய டிடிவி தினகரன் முடிவெடுத்துள்ளார்.

அதிமுக மீதான உரிமை கோரும் வழக்கை டிடிவி தினகரன் நடத்திக்கொண்டிருப்பதால், அதிமுகவை கட்சியாக பதிவு செய்வதில் சிக்கல் இருந்தது.

இதனால், சிறையில் உள்ள சசிகலா அதிமுகவின் உரிமை கோரும் வழக்கை நடத்துவார் என்றும், அமமுகவின் பொதுச்செயலாளராக டிடிவி தினகரன் செயல்படுவார் என்றும் தெரிவிக்கப்பட்டது.

அதிமுகவில் டிடிவி தினகரனுக்கு ஆதரவாக 3 எம்.எல்.ஏ.க்கள் இருக்கும் நிலையில், அவர்கள் டிடிவி கட்சியில் அதிகாரப்பூர்வமாக இணைந்தால், கட்சித்தாவல் தடை சட்டத்தின் படி அவர்களின் பதவி பறிபோகும் நிலை உள்ளது.

அமமுக கட்சியாக பதிவு செய்யப்பட்டால், அதிமுக மீது டிடிவி தினகரன் எந்த உரிமையும் கோர முடியாது.



படிக்க... ஹேஷ்டேக் போட்டவர்களை ஏமாற்ற மாட்டேன் - ரஜினிகாந்த்
First published: April 19, 2019
மேலும் பார்க்க
Loading...
அடுத்து செய்திகள்
Loading...