Headlines Today | TNPSC தேர்வு - ஸ்டாலின் டெல்லி பயணம் | இன்றைய தலைப்புச் செய்திகள் ( மார்ச் 30, 2022)

டிஎன்பிஎஸ்சி குரூப் 4 தேர்வு ஜூலை 24-ம் தேதி நடைபெறும் என அறிவிக்கப்பட்டுள்ளது. இதற்கு இன்று முதல் விண்ணப்பிக்கலாம் என்று தமிழ்நாடு அரசு பணியாளர் தேர்வாணையம் அறிவித்துள்ளது. -  மேலும் படிக்க

உடல்நலக் குறைவு காரணமாக சென்னையில் உள்ள தனியார் மருத்துவமனையில் அனுமதிக்கப்பட்ட நீர்ப்பாசனத்துறை அமைச்சர் துரைமுருகன், சிகிச்சைக்குப் பிறகு வீடு திரும்பினார். - மேலும் படிக்க 

தமிழ்நாடு முதலமைச்சர் மு.க.ஸ்டாலின் நான்கு நாள் பயணமாக இன்றிரவு டெல்லி செல்கிறார். பிரதமர் நரேந்திர மோடியை நாளை சந்தித்து பேசுகிறார். - மேலும் படிக்க

தமிழக போக்குவரத்து துறை அமைச்சராக இருந்த ஆர்.எஸ்.ராஜகண்ணப்பனை, பிற்படுத்தப்பட்டோர் நலத்துறைக்கு மாற்றப்பட்டுள்ளார். கடந்த மே மாதம் பதவியேற்ற மு.க ஸ்டாலின் தலைமையிலான அமைச்சரவையில் முதல் முறையாக அமைச்சர்களின் இலாகா மாற்றம் செய்யப்பட்டுள்ளது குறிப்பிடத்தக்கது. - மேலும் படிக்க

சென்னை ஐ.ஐ.டி.-ல் மாணவியை பாலியல் வன்கொடுமை செய்த வழக்கில் ஆராய்ச்சி மாணவர்கள் 2 பேர் மற்றும் பேராசிரியர் ஒருவரிடம் மயிலாப்பூர் போலீசார் விசாரணை மேற்கொண்டு வருகின்றனர்.

விருதுநகர் கூட்டுப் பாலியல் வன்கொடுமை வழக்கில் தொடர்புடைய 4 பேரை, காவலில் எடுத்து சிபிசிஐடி போலீசார் விசாரணையைத் தொடங்கியுள்ளனர். - மேலும் படிக்க

காஞ்சிபுரம் மாவட்டம் உத்திரமேரூர் அருகே அரசு பள்ளியில் மாணவி கழிவறையை சுத்தம் செய்ய வைக்கப்பட்ட விவகாரத்தில் தலைமை ஆசிரியர் பணியிட மாற்றம் செய்யப்பட்டுள்ளார். - மேலும் படிக்க

மத்திய அரசின் பொருளாதார கொள்கைகளைக் கண்டித்து வங்கி ஊழியர்கள் நாடு தழுவிய அளவில் இரண்டு நாட்கள் போராட்டம் நடத்தியதன் விளைவாக 18 ஆயிரம் கோடி ரூபாய் மதிப்புள்ள காசோலைகள் பரிவர்த்தனை முடங்கியது.

அஸ்ஸாம் - மேகாலயா இடையே 50 ஆண்டுகளாக நிலவி வந்த எல்லைப் பிரச்னைக்கு தீர்வு காணும் ஒப்பந்தத்தில் இரு மாநில முதல்வர்களும் கையெழுத்திட்டுள்ளனர். - மேலும் படிக்க 

ஐபிஎல் கிரிக்கெட் தொடரில் ஹைதராபாத் அணிக்கு எதிரான போட்டியில் ராஜஸ்தான் அணி 61 ரன்கள் வித்தியாசத்தில் அபார வெற்றிபெற்றது.

உக்ரைனில் தலைநகர் கீவ்-வைச் சுற்றியுள்ள பகுதிகளில் படைகளைக் குறைப்பதாக கூறிவிட்டு ரஷ்யா ஏமாற்று வேலையில் ஈடுபடுவதாக அமெரிக்கா குற்றம்சாட்டியுள்ளது.