TNPSC : இணையத்தில் பரவுவது போலியான பட்டியல்... தேர்வாணையம் விளக்கம்..!

டிஎன்பிஎஸ்சி பொறியியல் பணிகளுக்கான தேர்வு முடிவுகள் வெளியாகவில்லை எனவும் இணையத்தில் பரவுவது போலியான பட்டியல் எனவும் TNPSC தேர்வாணையம் விளக்கம் அளித்துள்ளது.

டிஎன்பிஎஸ்சி வெளியிட்டுள்ள செய்திக் குறிப்பில், ஒருங்கிணைந்த பொறியியல் பணிகளுக்காக கடந்த ஜூலை மாதம் 2-ம் தேதி நடைபெற்ற தேர்வு முடிவுகள் வெளியாகவில்லை எனவும், சமூக வலைதளங்களில் பரவி வருவது போலியான பட்டியல் எனவும் தெரிவிக்கப்பட்டுள்ளது.

இதனை கருத்தில் கொள்ள வேண்டாம் என தேர்வர்களுக்கு அறிவுறுத்தியுள்ள டிஎன்பிஎஸ்சி, தேர்வாணையத்தின் அதிகாரப்பூர்வ இணையதளமான https://www.tnpsc.gov.in/ மட்டுமே முடிவுகள் வெளியிடப்படும் என குறிப்பிட்டுள்ளது.

தவறான தகவலை பரப்புவோர் மீது நடவடிக்கை எடுக்கப்படும் எனவும் டிஎன்பிஎஸ்சி எச்சரிக்கை விடுத்துள்ளது.