• HOME
  • »
  • NEWS
  • »
  • tamil-nadu
  • »
  • அரசு தேர்வுக்கான ஹால் டிக்கெட்டில் குழப்பம்: டி.என்.பி.எஸ்.சி.விளக்கம்

அரசு தேர்வுக்கான ஹால் டிக்கெட்டில் குழப்பம்: டி.என்.பி.எஸ்.சி.விளக்கம்

சில நிர்வாக காரணங்களால் ஏற்கனவே பதிவேற்றம் செய்யப்பட்ட விண்ணப்பதாரர்களுக்கான நுழைவுச் சீட்டு தற்போது சில திருத்தங்களுடன் மீள் பதிவேற்றம் செய்யப்பட்டுள்ளதாக டி.என்.பி.எஸ்.சி. விளக்கமளித்துள்ளது.

  • Share this:
    அரசு துறை பதவி உயர்வு தேர்வுக்கான ஹால் டிக்கெட்டில் குழப்பம் ஏற்பட்டதை தொடர்ந்து இது தொடர்பாக தமிழ்நாடு அரசு பணியாளர் தேர்வு ஆணையம் விளக்கம் அளித்துள்ளது.

    அரசு அலுவலர்கள் மற்றும் ஆசிரியர்களுக்கான பதவி உயர்வுக்கான துறை தேர்வுகள் ஆண்டுதோறும் நடைபெறுவது வழக்கம். இந்தாண்டுக்கான தேர்வு வரும் 16ம்தேதி முதல் 23ம்தேதி வரை டி.என்.பி.சி மூலமாக நடைபெறவுள்ளது. ஆன்லைன் மூலமாக தேர்வு எழுத நடவடிக்கை எடுக்கப்பட்டுள்ளது. காலை மற்றும் மாலை என தேர்வு எழுதும் வகையில் அட்டவணை வெளியிடப்பட்டுள்ளது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    தேர்வு எழுதுவதற்கான ஹால் டிக்கெட் நேற்று  வழங்கப்பட்டது. இதில், ஒரு சிலருக்கு காலையில்  ஒரு தேர்வு மையமும், மாலை மற்றொரு தேர்வு மையமும் ஒதுக்கீடு செய்யப்பட்டுள்ளது. காலை தேர்வு நடைபெறும் மையத்துக்கு மாலை தேர்வு நடைபெறும் மையத்துக்கு இடையே 70 முதல் 100 கிலோ மீட்டர் வரை தொலைவு இருப்பதால் எப்படி தேர்வு மையத்துக்கு செல்வது என குழப்பம் எழுந்தது.

    இதையும் படிங்க: காலை ஒரு சென்டர், மதியம் ஒரு சென்டர்... 70 கிமீ தூரம் எப்படி செல்வது? தவிப்பில் தேர்வர்கள்


    இந்நிலையில் இது தொடர்பாக  தமிழ்நாடு அரசு பணியாளர் தேர்வு ஆணையம் (TNPSC) விளக்கம் அளித்துள்ளது. அதில், துறை தேர்வுகளுக்கான நுழைவு சீட்டை பலரும்  தரவிறக்கம் செய்துள்ள நிலையில்,  சில நிர்வாக காரணங்களால் ஏற்கனவே பதிவேற்றம் செய்யப்பட்ட விண்ணப்பதாரர்களுக்கான நுழைவுச் சீட்டு தற்போது சில திருத்தங்களுடன் மீள் பதிவேற்றம் செய்யப்பட்டுள்ளதாக கூறப்பட்டுள்ளது.

    மேலும் படிக்க: ரேசனில் கருப்பட்டி-வேளாண் பட்ஜெட்டில் பனைத் தொழிலுக்கு முக்கியத்துவம்!


    எனவே, மாற்றியமைக்கப்பட்ட நுழைவுச் சீட்டினை www.tnpsc.gov.in, https://apply.tnpscexams.in/dept-exam-otr?app_id=UElZMDAwMDAwMQ==   ஆகிய முகவரிகளில் தேர்வர்கள் அவர்களுடையே துறைத் தேர்வுகளுக்கான ஒருமுறை பதிவின் வழியாக பிறந்த தேதி,விண்ணப்ப எண் ஆகியவற்றை உள்ளீடு செய்து பதிவிறக்கம் செய்துகொள்ளலாம் என்று தெரிவிக்கப்பட்டுள்ளது.  மாற்றியமைக்கப்பட்ட நுழைவுச் சீட்டில் குறிப்பிடப்பட்டுள்ள தேர்வு மையங்களில் தேர்வு எழுத வேண்டும் என்றும் மாற்றியமைக்கப்பட்ட நுழைவுச் சீட்டு இருந்தால் மட்டுமே தேர்வு எழுத அனுமதிக்கப்படுவர் என்றும் கூறப்பட்டுள்ளது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Murugesh M
    First published: