Home /News /tamil-nadu /

இன்னும் சற்று நேரத்தில் மின்சாரம் வந்துவிடும்... மின்சார வாரியம் தகவல்

இன்னும் சற்று நேரத்தில் மின்சாரம் வந்துவிடும்... மின்சார வாரியம் தகவல்

மாதிரிப் படம்

மாதிரிப் படம்

Power Cut in Tamil Nadu | தமிழ்நாடு முழுவதும் பரவலாக மின்தடை ஏற்பட்டது குறித்து மின்சார வாரியம் விளக்கம் அளித்துள்ளது.

    மத்திய மின் கட்டமைப்பில் அல்லது தொகுப்பில் ஏற்பட்ட மின்னழுத்த வேறுபாடே சில இடங்களில் ஏற்பட்ட மின்தடைக்கு காரணம். 90% சரி செய்யப்பட்டுவிட்டது. இன்னும் 15 நிமிடங்களில் அனைத்து இடங்களிலும் மின்தடை சரியாகிவிடும் என்று மின்சார வாரியம் தெரிவித்துள்ளது.

    தமிழ்நாட்டின் பல பகுதிகளில் ஒரே நேரத்தில் திடீர் மின் தடை ஏற்பட்டதால் பொதுமக்கள் கடும் அவதியடைந்துள்ளனர்.

    தமிழகத்தில் பல்வேறு மாவட்டங்களிலும் இரவு 8 மணியிலிருந்து மின்வெட்டு நிலவி வருகிறது. 2 மணி நேரத்திற்கு மேலாக மின்வெட்டு ஏற்பட்டுள்ளதால் பொது மக்கள் கடும் அவதியடைந்துள்ளனர். திருவண்ணாமலை மாவட்டம் ஆரணி டவுன் மற்றும் சுற்றுவட்டார பகுதிகளான சேவுர், குன்னத்தூர், கண்ணமங்கலம், களம்பூர் உள்ளிட்ட பல கிராமங்களில் 2 மணி நேரமாக மின் இணைப்பு துண்டிக்கப்பட்டது. இதேபோல வந்தவாசி, செய்யார், போளூர் ஆகிய பகுதிகளிலும் தொடர் மின்வெட்டு ஏற்பட்டது.

    கன்னியாகுமரி மாவட்டம் நாகர்கோவில், கோணம், பார்வதிபுரம் உட்பட பல்வேறு பகுதிகளில் 2 மணி நேரமாக மின் வெட்டு ஏற்பட்டது. தமிழகம் முழுவதும் ஒரே நேரத்தில் இதுபோன்ற அறிவிக்கப்படாத மின் தடை ஏற்பட்டதன் காரணமாக பொது மக்கள் கடும் அவதியடைந்தனர்.

    கடலூர் மாவட்டத்தில் கடலூர், நெல்லிகுப்பம், பண்ருட்டி, விருத்தாசலம் உள்ளிட்ட பல பகுதிகளில் இரவு 8 மணியில் இருந்து மின்சாரம் நிறுத்தப்படுள்ளது. திருநெல்வேலியிலும் பல்வேறு பகுதிகளில் அடிக்கடி மின்தடை ஏற்பட்டுள்ளது. அதனையடுத்து, தமிழ்நாட்டில் ஏற்பட்டுள்ள மின்தடை குறித்து நெட்டிசன்கள் ட்விட்டரில் பதிவிட்டுவருகின்றனர்.

    தமிழ்நாட்டின் பல பகுதிகளில் ஒரே நேரத்தில் திடீர் மின் தடை.. பொதுமக்கள் அவதி

    தி.மு.கவின் 2006-2011-ம் ஆண்டு ஆட்சியை நினைவுபடுத்துவதாக உள்ளதாகவும் கருத்து பதிவிட்டுவருகின்றனர். இந்தநிலையில், ‘மத்திய மின் கட்டமைப்பில் அல்லது தொகுப்பில் ஏற்பட்ட மின்னழுத்த வேறுபாடே சில இடங்களில் ஏற்பட்ட மின்தடைக்கு காரணம். 90% சரி செய்யப்பட்டுவிட்டது. இன்னும் 15 நிமிடங்களில் அனைத்து இடங்களிலும் மின்தடை சரியாகிவிடும் என்று மின்சார வாரியம் விளக்கமளித்துள்ளது.
    Published by:Karthick S
    First published:

    Tags: Power cut, TNEB

    அடுத்த செய்தி