Home /News /tamil-nadu /

தமிழ்நாடு பட்ஜெட் 2022 : உலகத் தரத்தில் அறிவுசார் நகரம், கல்வி நிலையங்களை மேம்படுத்த கூடுதல் நிதி ஒதுக்கீடு

தமிழ்நாடு பட்ஜெட் 2022 : உலகத் தரத்தில் அறிவுசார் நகரம், கல்வி நிலையங்களை மேம்படுத்த கூடுதல் நிதி ஒதுக்கீடு

உயர்கல்விக்கு பணம்

உயர்கல்விக்கு பணம்

TN Budget 2022: 1,000 கோடி ரூபாய் செலவில் ஒரு சிறப்புத் திட்டத்தை உருவாக்கி, புதிய வகுப்பறைகள், விடுதிகள், ஆய்வகங்கள், திறன்மிகு வகுப்பறைகள் உருவாக்கப்படும்.

    தமிழகத்தில் சர்வதேச தரத்துடன் கூடிய அறிவுசார் நகரம் மற்றும் அரசு கல்வி நிலையங்களை மேம்படுத்துவதற்கு கூடுதல் நிதி உள்ளிட்ட அறிவிப்புகள் இன்று வெளியிடப்பட்டுள்ளன.

    2022-23-ம் நிதியாண்டுக்கான பட்ஜெட்டை இன்று தாக்கல் செய்து நிதியமைச்சர் பழனிவேல் தியாகராஜன் வெளியிட்ட அறிவிப்பு-

    தமிழ்நாட்டில் உள்ள திறன்மிக்க மனிதவளத்தை மேலும் மேம்படுத்தி, ஓர் அறிவுசார் பொருளாதாரத்தை உருவாக்குவது இந்த அரசின் தொலைநோக்குப் பார்வையாகும்.

    உலகளாவிய பங்களிப்புடன் 'அறிவுசார் நகரம்' (Knowledge City) ஒன்று உருவாக்கப்படும். இந்த அறிவு சார் நகரம், உலகளவில் புகழ்பெற்ற பல்கலைக்கழகங்களின் கிளைகளைக் கொண்டிருக்கும். இந்நகரம், ஆராய்ச்சி மற்றும் மேம்பாட்டு மையங்கள், திறன் பயிற்சி மையங்கள், அறிவு சார்ந்த தொழில் நிறுவனங்கள் உள்ளிட்ட பல்வேறு பிரிவுகளைத் தன்னகத்தேகொண்டிருக்கும்.

    இதையும் படிங்க - வட்டியில்லா பயிர்க்கடன் திட்டத்துக்கு ரூ.200 கோடி ஒதுக்கீடு - நிதியமைச்சர் பழனிவேல் தியாகராஜன்
     மேலும், தமிழ்நாடு தொழில் வளர்ச்சி நிறுவனம் (TIDCO), தமிழ்நாடு தொழில் முன்னேற்ற நிறுவனம் (SIPCOT), தமிழ்நாடு சிறுதொழில் வளர்ச்சி நிறுவனம் (TANSIDCO) போன்ற அரசுபொதுத்துறை நிறுவனங்களுடன் இணைந்து மாநிலத்திலுள்ள பல்கலைக்கழகங்கள் தங்களின் வளாகங்களில் ஆராய்ச்சிப் பூங்காக்களை நிறுவ ஊக்குவிக்கப்படும்.


    இதையும் படிங்க - தமிழக பட்ஜெட் 2022 : ''21 இந்திய, உலக மொழிகளில் பெரியாரின் சிந்தனைகள் வெளியிடப்படும்''
     தமிழ்நாட்டின் உயர்கல்வி மாணவர் சேர்க்கை விகிதம் உயர்ந்துகொண்டே வருகிறது. அதற்கேற்ப, அரசுக் கல்லூரிகள் மற்றும் பல்தொழில்நுட்பக் கல்லூரிகளின் கட்டமைப்பு வசதிகளை மேம்படுத்துவது அவசியமாகும். அடுத்த ஐந்து ஆண்டுகளில் 1,000 கோடி ரூபாய் செலவில் ஒரு சிறப்புத் திட்டத்தை உருவாக்கி, புதிய வகுப்பறைகள், விடுதிகள், ஆய்வகங்கள்,


    திறன்மிகு வகுப்பறைகள் உருவாக்கப்படும். இதற்காக, இவ்வாண்டு 250 கோடி ரூபாய் வழங்கப்பட்டுள்ளது. முன்னுரிமை அடிப்படையில் 7.5 சதவீத ஒதுக்கீட்டில் கல்லூரிகளில் சேரும் அரசுப் பள்ளி மாணவர்களின் பல்வேறு கட்டணங்களுக்காக 204 கோடி ரூபாய் ஒதுக்கீடு செய்யப்பட்டுள்ளது. இம்மதிப்பீடுகளில் உயர்கல்வித் துறைக்கு 5,668.89 கோடி ரூபாய் நிதி ஒதுக்கீடு செய்யப்பட்டுள்ளது. இவ்வாறு அறிவிக்கப்பட்டுள்ளது.
    Published by:Musthak
    First published:

    Tags: TN Budget 2022

    அடுத்த செய்தி