“கேஸ் சிலிண்டருக்கு சவ ஊர்வலம்“ திருவாரூரில் காங்கிரஸ் நூதன போராட்டம்

திருவாரூரில் பெட்ரோல் டீசல் விலை உயர்வை கண்டித்து சமையல் கியாஸ் சிலிண்டருக்கு சவ ஊர்வலம் நடத்தி காங்கிரஸ் கட்சியினர் நூதன போராட்டம் நடத்தினர்.

திருவாரூர் நகர காங்கிரஸ்,மாவட்ட இளைஞர் காங்கிரஸ் மற்றும் மாவட்ட ஒபிசி பிரிவு சார்பில் பெட்ரோல்,டீசல், சமையல் எரிவாயு  விலை உயர்வை கண்டித்து சமையல் காஸ் சிலிண்டர்களை அமரர் ஊர்தியில் வைத்து மேளதாளத்துடன் இறுதி மரியாதை செலுத்தி சவ ஊர்வலம் நடத்தும் போராட்டம் நடைபெற்றது .இந்த ஊர்வலம் திருவாரூர் பழைய ரயில் நிலையத்தில் தொடங்கி திருவாரூர் புதிய ரயில் நிலையத்தில் முடிவடைந்தது.



இந்த ஊர்வலத்தில் அமரர் ஊர்தியில் சமையல் காஸ் சிலிண்டர்களை வைத்து அதற்கு மாலை அணிவித்து, ஊதுபத்தி கொளுத்தி வைத்து சவ ஊர்வலம் நடப்பது போன்று ஊர்த்திக்கு முன்பு மேள தாளத்துடன் பட்டாசு வெடித்தபடி ஊர்வலமாக காங்கிரஸ் கட்சியினர் எடுத்து வந்தனர்.

ALSO READ |  திருவாரூர் : காவல் நிலையத்திற்கு முன்பு வாலிபர் தற்கொலை முயற்சி