திருவண்ணாமலை மக்களவைத் தொகுதி

மற்ற தொகுதிகளில் ஏறுமுகத்தில் இருந்த வாக்குப்பதிவு சதவீதம் திருவண்ணாமலை தொகுதியில் நேர்மாறாக -1.09% என சரிந்து இருந்தது குறிப்பிடத்தக்கது.

திருவண்ணாமலை மக்களவைத் தொகுதி
திருவண்ணாமலை
  • News18
  • Last Updated: March 29, 2019, 12:10 PM IST
  • Share this:
கோயில் நகரமான திருவண்ணாமலை மக்களவைத் தொகுதி கடந்த 2009-ம் ஆண்டு முதன்முதலாக அறிமுகம் செய்யப்பட்டது.

முன்னதாக திருப்பத்தூர் மக்களவைத் தொகுதியாக விளங்கி வந்தது. 2008-ம் ஆண்டு நடத்தப்பட்ட மறுசீரமைப்பின் போது, திருப்பத்தூர் மக்களவைத் தொகுதி நீக்கப்பட்டு, அதிலிருந்த சில தொகுதிகளையும் வந்தவாசியில் இருந்து சில தொகுதிகளையும் இணைத்து திருவண்ணாமலை மக்களவைத் தொகுதி உருவாக்கப்பட்டது.

2009-ல் நடைபெற்ற மக்களவைத் தேர்தலில் தி.மு.க-வின் த. வேணுகோபால் 4,73,866 வாக்குகளைப் பெற்று வெற்றி பெற்றார். அதைத் தொடர்ந்து நடைபெற்ற 16-வது மக்களவைத் தேர்தலில் அ.தி.மு.க வேட்பாளர் வனரோஜா 5,00,751 வாக்குகள் பெற்று வெற்றி பெற்றார்.


அவரை எதிர்த்து தி.மு.க சார்பில் போட்டியிட்ட அண்ணாதுரை என்பவர் 3,33,145 வாக்குகளையும் பா.ம.க-வின் எதிரொலி மணியன் 1,57,954 வாக்குகளையும் காங்கிரஸின் ஏ.சுப்ரமணியம் 17,854 வாக்குகளையும் பெற்று தோல்வி அடைந்தனர்.

15-வது மக்களவைத் தேர்தலில் 79.89% வாக்குகள் பதிவான திருவண்ணாமலை தொகுதியில் 16-வது மக்களவைத் தேர்தலில் 78.08% வாக்குகள் மட்டுமே பதிவாகின. மற்ற தொகுதிகளில் ஏறுமுகத்தில் இருந்த வாக்குப்பதிவு சதவீதம் திருவண்ணாமலை தொகுதியில் நேர்மாறாக -1.09% என சரிந்து இருந்தது குறிப்பிடத்தக்கது.
First published: March 14, 2019
மேலும் பார்க்க
அடுத்து செய்திகள்

Top Stories

corona virus btn
corona virus btn
Loading