ராஜ்பவன் கணக்குப்பிள்ளையாக பாஜக தலைவர் அண்ணாமலை எப்போது மாறினார்? - கி.வீரமணி

ஆளுநரின் தேநீர் விருந்தை  ஒருசில அரசியல் கட்சிகள் புறக்கணிந்தததால் தேநீர் செலவு மிச்சம் என பாஜக மாநிலத் தலைவர்  அண்ணாமலை விமர்சித்திருந்த நிலையில்,   ராஜ்பவன் கணக்குப் பிள்ளையாக  அண்ணாமலை எப்போது மாறினார் என தி.க தலைவர் வீரமணி கேள்வி எழுப்பியுள்ளார்.

திருத்தணியில் திராவிட கழகத்தின் சார்பில் நடைபெற்ற பொதுக்கூட்டத்தில் தி.க தலைவர் வீரமணி கலந்து கொண்டார். இதில் பேசிய அவர், தமிழகத்தில் உள்ள அனைத்து பெரும்பான்மை கட்சிகளும் நீட் தேர்விற்கு எதிர்ப்பு தெரிவித்து சட்டசபையில் தீர்மானம் நிறைவேற்றி ஆளுநருக்கு அனுப்பி வைத்தால் இந்த தீர்மானத்தை இந்திய ஜனாதிபதிக்கு அனுப்பாமல் போஸ்ட்மேன் வேலைபார்க்கும் தமிழக ஆளுநர் இதனை செய்யாமல் நீட் தேர்வு இந்த எதிர்ப்பு மசோதாவை அனுப்பி வைக்காமல் பிரித்து படிப்பது, இதில் குறை உள்ளது என்று அமைச்சர்களை அழைத்து கூறுவது எந்த விதத்தில் நியாயம் என தெரிவித்துள்ளார்.

மேலும் , அரசியலமைப்பில் சட்டத்திற்கு உட்பட்டு செயல்படாமல் ஆளுநர் பொறுப்பில் செயல்படாமல் இவருக்கு அனுப்பப்பட்ட தீர்மானத்தை ஜனாதிபதிக்கு அனுப்பாமல் குறை கூறுவது எந்த விதத்தில் நியாயம் என கேள்வி எழுப்பியுள்ளார்.

ALSO READ |  மது ஒழிப்பு குறித்து கேள்வி கேட்ட மாணவி.. கனிமொழி நம்பிக்கை பதில்..



இந்த பொதுக்கூட்டத்தில் சட்டமன்ற உறுப்பினர் எஸ்.சந்திரன், திருவள்ளூர் மேற்கு மாவட்ட திமுக பொறுப்பாளர் எம். பூபதி மற்றும் விடுதலை சிறுத்தைகள் கட்சி, திராவிட முன்னேற்ற கட்சியை சேர்ந்த மாநில மாவட்ட நிர்வாகிகள் பலர்  கலந்து கொண்டனர்.

செய்தியாளர் : சசி குமார்