Home /News /tamil-nadu /

நூல் விலை உயர்வு.. திருப்பூர் பின்னலாடை நிறுவனங்கள் ஸ்டிரைக் - ரூ.250 கோடி வர்த்தகம் பாதிக்கும் நிலை

நூல் விலை உயர்வு.. திருப்பூர் பின்னலாடை நிறுவனங்கள் ஸ்டிரைக் - ரூ.250 கோடி வர்த்தகம் பாதிக்கும் நிலை

பின்னலாடை நிறுவனங்கள் ஸ்டிரைக்

பின்னலாடை நிறுவனங்கள் ஸ்டிரைக்

Tirupur : நூல் விலை உயர்வை கட்டுப்படுத்த கோரி ( மே-16, 17) இன்றும் நாளையும் திருப்பூர் பின்னலாடை உற்பத்தி நிறுவனங்கள் வேலை நிறுத்த போராட்டத்தை அறிவித்துள்ளன.

    நூல் விலை உயர்வை கட்டுப்படுத்த கோரி திருப்பூரில் இன்றும் நாளையும் (மே16, 17) பின்னலாடை உற்பத்தி நிறுவனங்கள் வேலை நிறுத்த போராட்டத்தை அறிவித்துள்ளதால், நாள் ஒன்றுக்கு 250 கோடி ரூபாய் உற்பத்தி பாதிக்கும் நிலை ஏற்பட்டுள்ளது. போராட்டத்தில், 10 லட்சம் தொழிலாளர்கள் வேலை நிறுத்தத்தில் பங்கேற்கின்றனர். இதனால் 20 ஆயிரம் நிறுவனங்கள் மூடப்பட்டுள்ளன.

    நூல் விலை 480 ரூபாய் என வரலாறு காணாத உச்ச நிலையை அடைந்துள்ளது. இதனால் பின்னலாடை மற்றும் ஜவுளி உற்பத்தி தொழில் கடுமையாக பாதிக்கப் பட்டுள்ளன. இதனால் 10 லட்சத்திற்கும் மேற்பட்ட தொழிலாளர்கள் வாழ்வாதாரம் பாதிக்கப்பட்டுள்ளது.

    இதனால், மத்திய அரசு நூல் மற்றும் பருத்தி ஏற்றுமதி தடை செய்து அறிவிக்க வேண்டும் என கோரி இன்றும் நாளையும் பின்னலாடை உற்பத்தியாளர்களின் அனைத்து சங்கங்களும் வேலை நிறுத்தத்தில் ஈடுபடுகின்றனர்.

    இதன் காரணமாக திருப்பூரில் உள்ள 20 ஆயிரம் பனியன் நிறுவனங்கள் மூடப்படுகிறது. 10 லட்சம் தொழிலாளர்கள் வேலை நிறுத்தத்தில் ஈடுபட்டுள்ளனர். இதனால், நாளொன்றுக்கு 250 கோடி ரூபாய் மதிப்பிலான பனியன் உற்பத்தி பாதிக்கப்படும் என கருதப்படுகிறது.

    Must Read : திருவண்ணாமலையில் திடீரென பெய்த மழை.. குடை பிடித்து கிரிவலம் சென்ற பக்தர்கள்

    இந்த வேலை நிறுத்தத்திற்கு ஜவுளி உற்பத்தியாளர்கள் ஆதரவு தெரிவித்துள்ளதால் விசைத்தறி நிறுவனங்களும் வேலை நிறுத்தத்தில் ஈடுபட உள்ளன என்பது குறிப்பிடத்தக்கது.
    Published by:Suresh V
    First published:

    Tags: Strike, Tamil Nadu, Tamil News, Tiruppur

    அடுத்த செய்தி