Home /News /tamil-nadu /

திமுக ஆட்சியில் அராஜகம்.. தாராபுரத்தில் போஸ்டர் ஓட்டிய பாஜகவினரால் பரபரப்பு!

திமுக ஆட்சியில் அராஜகம்.. தாராபுரத்தில் போஸ்டர் ஓட்டிய பாஜகவினரால் பரபரப்பு!

பாஜக போஸ்டர்

பாஜக போஸ்டர்

BJP Posters against DMK | திமுகவினர் தவிர மற்றவர்களின் வேட்பு மனுக்களை தள்ளுபடி செய்ய அமைச்சரின் கணவர் மற்றும் சார் ஆட்சியர் செயல்பட்டதாக பாஜக சார்பில் தாராபுரம் முழுக்க கண்டன போஸ்டர்கள் ஒட்டப்பட்டன.

  • News18 Tamil
  • 2 minute read
  • Last Updated :
பாசன சபை தேர்தலில் மற்ற யாரும் போட்டியிட முடியாதவாறு திமுகவினர் அராஜகம் செய்வதாக பாஜகவினர் ஒட்டிய போஸ்டரால் பரபரப்பு.

திருப்பூர்‌ மாவட்டத்தில் உள்ள அமராவதி, பிஏபி,உப்பாறு உள்ளிட்ட பாசன சபைகளுக்கான தேர்தல் நடைபெற்று வருகிறது.இதில் மற்ற யாரும் போட்டியிட முடியாதவாறு திமுகவினர்,விவசாயிகள் வேட்பு மனுக்களை வாபஸ் வாங்க வைத்தும்,தள்ளுபடி செய்ய வைத்தும் அராஜகத்தில் ஈடுபட்டதாகவும்,திமுக வினர் தவிர மற்றவர்களின் வேட்பு மனுக்களை தள்ளுபடி செய்ய அமைச்சரின் கணவர் மற்றும் சார் ஆட்சியர் செயல் பட்டதாக பாஜக சார்பில் தாராபுரம் முழுக்க கண்டன போஸ்டர்கள் ஒட்டப்பட்டன.ஆனால் இவை அனைத்தும் இரவோடு இரவாக கிழிக்கப்பட்டது பரபரப்பை ஏற்படுத்தியுள்ளது.

திருப்பூர் மாவட்டத்தில் அமராவதி,பிஏபி,உப்பாறு ஆகிய பாசனத்தில் சுமார் 2.5 லட்சம் ஏக்கர் பரப்பளவில் நிலங்கள் பாசனம் பெற்று வருகிறது.இந்நிலையில் பாசன சபைகளுக்கான தேர்தல் மனு தாக்கல் செய்யப்பட்டு தற்போது சில இன்று தேர்தல் நடைபெற்று வருகிறது.இந்த மூன்று பாசன திட்டத்தின் மூலம் தாராபுரம் பயன்பெற்று வருகிறது.தாராபுரம் வட்டத்தில் உள்ள 31 பாசன சபை தலைவர்கள் மற்றும் 136 ஆட்சி மன்றக் குழு உறுப்பினர்களுக்களை தேர்ந்தெடுக்க கடந்த 8 ஆம் தேதி மனு தாக்கல் செய்ய இறுதி நாளாக அறிவிக்கப்பட்டது.

31 பாசன சபை தலைவர், 136 ஆட்சிமன்ற குழு உறுப்பினருக்கான பதவிகளுக்கு விவசாயிகள் உள்ளிட்டோர் மனு தாக்கல் செய்திருந்தனர்.ஆனால் திமுக வினர் அமைச்சர் கயல்விழியின் கணவர் செல்வராஜ் தலையீட்டால் மனுக்கள் வாபஸ் வாங்க வைத்தும்,சார் ஆட்சியரை கொண்டு மனுக்களை தள்ளுபடி செய்தும் போட்டியின்றி திமுக வினர் மட்டும் வெற்றி பெறும் வகையில் நடத்தியதாக குற்றச்சாட்டுகள் எழுந்தன.



இந்நிலையில் விவசாயிகள் பாதுகாப்பு சங்க நிர்வாகி சிவக்குமார்,உப்பாறு பாசன சபை தேர்தலில் போட்டியிடுவதற்காக மனு தாக்கல் செய்திருந்தார்.தொடர்ச்சியாக ஆளும் திமுக சார்பில் வேட்பு மனுவைத் திரும்பப் பெறும்படி கடுமையான அழுத்தம் தரப்பட்டது.ஆனால் விவசாயிகளின் ஆதரவில் போட்டியிடுவதால் வேட்புமனுவை திரும்பப் பெறவில்லை எனவும் போட்டி உறுதி எனவும் தெரிவிக்கப்பட்டது.

Read More : போலீஸை இங்க வரச்சொல்லு..! காவல் நிலையம் எதிரே ரத்தம் சொட்டச் சொட்ட படுத்து உருண்ட மதுப்பிரியர்.. கள்ளக்குறிச்சியில் பரபரப்பு


இந்நிலையில் மறைமுகமாக தேர்தல் வெற்றியை பெற வேண்டும் என்ற எண்ணத்தில் ஆளும் திமுகவினர், தாராபுரம் வருவாய் கோட்டாட்சியர் அவர்களுடன் கூட்டு சதி செய்து வெற்றி வாய்ப்பு உள்ள சிவகுமாரின் வேட்புமனுவை உரிய காரணங்கள் இன்றி நிராகரித்துள்ளார்.ஆனால் திமுகவினரின் மனுக்கள் அனைத்தும் ஏற்றுக்கொள்ளப்பட்டன.

இந்நிலையில் கடந்த 9 ஆம் தேதி திமுக வின் தேர்தல் குளறுபடியால் பாதிக்கப்பட்ட விவசாயிகள் தாராபுரம் வருவாய் கோட்டாட்சியர் அலுவலகத்தை முற்றுகையிட்டு போராட்டத்தில் ஈடுபட்டு கைதாகினர்‌. இந்நிலையில் திமுகவினர் மற்றும் அமைச்சர் கயல்விழி,அவரது கணவர் செல்வராஜ் ஆகியோரை கண்டித்து தாராபுரம் நகரம் முழுவதும் பாஜக சார்பில் போஸ்டர்கள் ஒட்டப்பட்டிருந்தது.ஆனால் அவை எல்லாம் இரவோடு இரவாக கிழிக்கப்பட்டது குறிப்பிடத்தக்கது.
Published by:Lilly Mary Kamala
First published:

Tags: Tiruppur

அடுத்த செய்தி