'தாலிக்கு தங்கம் திட்டத்தை மாற்றியுள்ளனர்: பட்ஜெட் திருப்தி அளிக்கவில்லை - நயினார் நாகேந்திரன்

தமிழக அரசின் பட்ஜெட் முழு திருப்தி அளிக்கும் வகையில் இல்லை. மக்களின் எதிர்பார்ப்பு எதுவும் இந்த பட்ஜெட்டில் பூர்த்தி செய்யப்படவில்லை என்று பா.ஜ.க துணைத் தலைவர் நயினார் நாகேந்திரன் தெரிவித்துள்ளார்.  

நெல்லை பாளையங்கோட்டை அண்ணா ஸ்டேடியத்தில் இன்று பாஜக கட்சி தரப்பில் இளைஞர்கள், இளம்பண்கள் விளையாட்டு துறையில் ஊக்குவிக்கும் விதமாக குண்டு எறிதல், நீளம் தாண்டுதல் உள்ளிட்ட பல்வேறு விளையாட்டு போட்டிகள் இன்று முதல் துவங்கியது.

அண்ணா ஸ்டேடியத்தின் மற்றொரு புறத்தில் உள்விளையாட்டு அரங்கில் பாளையங்கோட்டை சட்டமன்ற உறுப்பினர் அப்துல் வகாப் கராத்தே போட்டியைத் தொடங்கி வைத்தார்.  இந்த நிகழ்ச்சிக்குப் பின் நயினார் நாகேந்திரன், அப்துல் வகாப் இருவரும் எதேச்சையாக நேருக்கு நேர் சந்தித்துக் கொள்ள அங்கு இருந்த பாஜக சட்டமன்ற உறுப்பினர் நயினார் நாகேந்திரன் பாளையங்கோட்டை சட்டமன்ற உறுப்பினர் அப்துல் வகாப்பை நேரில் சென்று சந்தித்து தங்களது விளையாட்டு போட்டியையும் துவக்கி வைக்க கோரிக்கை விடுத்தார்.

ALSO READ | டாஸ்மாக் பணியாளர்களை மிரட்டி ஓசி மதுபாட்டில் மற்றும் பணம் வசூல்: வைரலான வீடியோ -வி.சி.க ஒன்றிய செயலாளர் கைது



அடுத்ததாக அந்த 15 இடங்களில் இருந்து ஆட்களை தேர்வு செய்து இன்று போட்டிகள் நடத்தி வருகிறோம். முதல்முறையாக இந்த போட்டிகளை நடத்துகிறோம். இதன்மூலம் வரும் நாட்களில் மாவட்ட அளவில் விளையாட்டு வீரர்களை தேர்ந்தெடுக்கும் ஒரு களமாக இது அமைக்கப்படும். திமுகவினர் மீண்டும் மீண்டும் நீட் தேர்வு குறித்து பேசி அரசியல் மட்டுமே நடத்துகிறார்கள்.

ALSO READ | 3 வயது சிறுமியை பாலியல் வன்கொடுமை செய்த கட்டட மேஸ்திரி சிறையில் அடைப்பு



தமிழக அரசின் பட்ஜெட் முழு திருப்தி அளிக்கும் வகையில்,  மக்களின் எதிர்பார்ப்பு எதுவும் இந்த பட்ஜெட்டில் இல்லை.
கடந்த ஆட்சியில் அறிவிக்கப்பட்ட தாலிக்கு தங்கம் திட்டத்தை மாற்றி கல்லூரியில் படிக்கும் பெண்களுக்கு மாதம் 1,000 ரூபாய் என்ற அடிப்படையில் திட்டத்தை மாற்றியுள்ளார்கள். அடுத்து வரும் அரசு இதனை மாற்றி வேறு ஒன்றாக கொண்டு வருவார்கள் என்று தெரிவித்தார்.

செய்தியாளர் : ஐயப்பன், திருநெல்வேலி