நெல்லையில் சீட்டுப்பணம் தராததால் ஆத்திரத்தில் தச்சுச்தொழில் பணியாளர் தீக்குளிப்பு..

நெல்லை மாவட்டம் அம்பாசமுத்திரம் அருகே உள்ள சிவந்திபுரம் என்ற பகுதியை சேர்ந்தவர் பாலசுப்பிரமணியன். இவர் தச்சுத் தொழில் செய்து வந்துள்ளார். கஸ்பா என்ற பகுதியை சேர்ந்த மரிய செல்வம் என்பவரிடம் ஒரு லட்ச ரூபாய் தொகைக்கான சீட்டு போட்டுள்ளார் பாலசுப்பிரமணியன். ஒருமுறை கூட சீட்டு பணத்தை தவறாமல் கட்டி வந்தார். இந்நிலையில் சீட்டு முதிர்வு காலம் அடையவே மரிய செல்வத்திடம் சீட்டு பணத்தை கேட்டுள்ளார்.ஆனால் மரிய செல்வமோ பணத்தை கொடுக்காமல் இழுத்தடித்து அலைக்கழித்துள்ளார்.

ஒருகட்டத்தில் ஆத்திரமடைந்த பாலசுப்பிரமணியன் ஞாயிற்றுக்கிழமை மரிய செல்வத்தின் வீட்டிற்கு வந்துள்ளார். அப்போது பாலசுப்பிரமணியன் தனது பணத்தை தர வேண்டும் இல்லை என்றால் தன் உயிரை மாய்த்துக் கொள்வதைத் தவிர வேறு வழியில்லை என கூறியுள்ளார். ஆனால் மரியசெல்வம் அதை கண்டுகொள்ளவே இல்லை எனத் தெரிகிறது. பேசிக்கொண்டே இருந்த பாலசுப்பிரமணி திடீரென தன்மீது பெட்ரோல் ஊற்றியுள்ளார்.

இதை பார்த்த மரியசெல்வமோ அதை தடுக்காமல் தன் வாகனம் தீ வைக்கப்பட்டு விடுமோ என்ற அச்சத்தில் வாகனத்தை தள்ளி வைத்துள்ளார். அதற்குள் பாலசுப்பிரமணி தன் உடலில் தீ வைத்துக்கொள்ள தீ உடல் முழுவதும் பரவியது.

மேலும் படிக்க...செய்தி வாசிப்பாளர் பணி ஆசைக் காட்டி, இளம்பெண்ணிடம் நூதன கொள்ளை - மோசடி தம்பதி கைது

ஆனால் எந்த பதற்றமோ பரபரப்போ இல்லாத மரியசெல்வம் அங்கிருந்து நகர்ந்து சென்றார். யாரும் தடுக்காததால் தீ பரவிய நிலையில் பாலசுப்பிரமணியன் அதே இடத்தில் சுருண்டு விழுந்துள்ளார்.அப்பகுதி பொதுமக்கள் போலீசாருக்கு தகவல் கொடுத்தனர் பாலசுப்பிரமணியம் ஆம்புலன்ஸ் மூலம் அம்பாசமுத்திரம் அரசு மருத்துவமனைக்கு அனுப்பி வைக்கப்பட்டார்.