கொரோனா நெகட்டிவ் சான்றிதழ், இரு தடுப்பூசி சான்றிதழ் இல்லாதவர்களுக்கு அனுமதியில்லை.. தமிழக - கேரள எல்லையில் கண்காணிப்பு பணிகள் தீவிரம்!

தமிழக - கேரள எல்லையில் கண்காணிப்பு பணிகள் தீவிரம்: கொரோனா நெகட்டிவ் சான்றிதழ், இரு தடுப்பூசி சான்றிதழ் இல்லாதவர்களுக்கு அனுமதியில்லை..

இரு தடுப்பூசி போட்டுக் கொண்ட சான்றிதழ், கொரோனா நெகட்டிவ் சான்றிதழ் இல்லாத வாகனங்கள் தமிழகத்துக்கு அனுமதிக்காமல் திருப்பி அனுப்படுகின்றன.

  • Share this:
கோவையை அடுத்த தமிழக கேரள எல்லையான வாளையார் சோதனை சாவடியில் கண்காணிப்பு பணிகள் தீவிரப்படுத்தபட்டுள்ளன.

கொரோனா தொற்று பாதிப்பில் தமிழக அளவில் முதலிடத்தில் இருந்த கோவை,  தற்போது கொரோனா தொற்றை  கட்டுப்பாட்டுக்குள் வைத்திருக்கின்றது. தினமும் நூற்றுக்கும் மேற்பட்டோர் மட்டுமே தொற்று காரணமாக பாதிக்கப்பட்டு வருகின்றனர்.

இந்நிலையில் அண்டை மாநிலமான கேரளாவில் தொற்று வேகமாக பரவி வருகிறது. நேற்று ஒரே நாளில் 31,400 க்கும் மேற்பட்டோருக்கு தொற்று ஏற்பட்டுள்ளது. இந்நிலையில் கோவையை அடுத்த தமிழக கேரள எல்லையான வாளையார் சோதனை சாவடியில் கண்காணிப்பு பணிகள் தீவிரப்படுத்தப்பட்டுள்ளன.

Also read: மத்திய அரசின் பழைய வாகன ஒழிப்பு கொள்கைக்கு தமிழகத்தில் நிலவும் ஆதரவும், எதிர்ப்பும்..

கொரோனா நெகட்டிவ் சான்றிதழ், இரு தடுப்பூசி  போட்டதற்கான சான்றிதழ், இ-பதிவு போன்றவை இருந்தால் மட்டுமே தமிழகத்திற்குள் அனுமதி வழங்கப்படுகின்றது. உரிய சான்றிதழ் இல்லாமல் வரும் நபர்களின் வாகனங்கள் திருப்பி அனுப்பிவிடப்படுகின்றது.

உரிய சான்றிதழ்கள் வைத்துக்கொண்டு வாகனங்களில் சமூக இடைவெளி இல்லாமல் அமர்ந்து வருபவர்களுக்கு அபாரதமும் விதிக்கப்பட்டு வருகின்றது. உரிய சான்றிதழ்கள்  இல்லாமல் வரும் நபர்களின் வாகனங்கள் எக்காரணம் கொண்டும் அனுமதிக்கப்படுவதில்லை என கண்காணிப்பு பணியில் ஈடுபட்டுள்ள காவல் துறையினர் தெரிவித்தனர்.

காவல்துறையினர், சுகாதாரத்துறையினர், வருவாய்த் துறையினர் இணைந்து இந்தக் கண்காணிப்பு பணியை மேற்கொண்டுள்ளனர். இதேபோன்று  கேரளாவில் இருந்து கோவை மாவட்டத்தின் வழியாக தமிழகம் வரும் 13 சோதனைச் சாவடிகளிலும் கண்காணிப்பு பணிகள் தீவிரப்படுத்தப்பட்டுள்ளது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Published by:Esakki Raja
First published: