Home /News /tamil-nadu /

சட்டவிரோத மணல் கடத்தல்.. டிராக்டரை துரத்தி பிடித்த போலீசார்

சட்டவிரோத மணல் கடத்தல்.. டிராக்டரை துரத்தி பிடித்த போலீசார்

மாதிரிப் படம்

மாதிரிப் படம்

Thoothukudi District | திருடிய ஆற்று மணலை சாலையின் அருகிலேயே கொட்டிவிட்டு, டிராக்டரை எடுக்க முயன்றுள்ளனர். இந்த சம்பவத்தில் ஒருவர் கைது செய்யப்பட்டுள்ளார். 3 பேர் தப்பியோடியுள்ளனர்.

தூத்துக்குடி மாவட்டம் விளாத்திகுளம் அருகே சட்டவிரோதமாக டிராக்டரில் ஆற்று மணல் கடத்திய வடக்குசெவல் பகுதியைச் சேர்ந்த சங்கர் என்பவரை போலீசார் கைது செய்து டிராக்டரை பறிமுதல் செய்தனர். மேலும் 3 பேரை தேடி வருகின்றனர்.

தூத்துக்குடி மாவட்டம் விளாத்திகுளம் அருகே உள்ள வேம்பார் பகுதியில், சூரங்குடி காவல் நிலைய உதவி ஆய்வாளர் தலைமையிலான போலீசார் ரோந்து பணியில் ஈடுபட்டிருந்தனர். அப்போது, கன்னிராஜபுரம் கிராமத்திலிருந்து வேம்பார் நோக்கி, வாகனப் பதிவு எண் இல்லாமல் டிராக்டர் ஒன்று அதிவேகமாக வந்து கொண்டிருந்தது.

போலீசார் சந்தேகமடைந்து அந்த டிராக்டரை நிறுத்த முயன்றுள்ளனர். ஆனால், டிராக்டரை ஓட்டி வந்த நபர் டிராக்டரை நிறுத்தாமல் வேகமாக சென்றுள்ளார். இதனையடுத்து டிராக்டரில் ஆற்றுமணல் இருப்பதைக் கண்ட போலீசார், டிராக்டரை பின் தொடர்ந்துள்ளனர். போலீஸ் பின் தொடர்வதால் குற்றவாளிகள் திருடிய ஆற்று மணலை சாலையின் அருகிலேயே கொட்டிவிட்டு, டிராக்டரை எடுக்க முயன்றுள்ளனர். அப்போது போலீசார் மடக்கிப் பிடிக்க முயன்றபோது, ஆற்று மணல் திருடிய குற்றவாளிகளான செல்லத்துரை மற்றும் முனீஸ் தப்பியோடியுள்ளனர்.

crime news
ஆற்று மணல் கடத்தியவர் கைது


பின்னர் போலீசார் டிராக்டரில் ஆற்று மணல் கடத்தி வந்த மற்றொரு நபரான வடக்குசெவல் பகுதியைச் சேர்ந்த சங்கர் என்பவரை கைது செய்து விசாரித்த போது, வேம்பார் மற்றும் அதன் சுற்றுப்புறங்களில் உள்ள ஊர்களுக்கு ஆற்றுமணல்  திருடி விற்றுவருவதாக தெரிவித்துள்ளார்.

ALSO READ | அன்னிய மரங்களை அகற்றும் விவகாரம்.. மத்திய அரசுக்கு சென்னை உயர் நீதிமன்றம் அதிரடி உத்தரவு

இதனையடுத்து போலீசார் டிராக்டரின் உரிமையாளரான வேம்பார் கிராமத்தை சேர்ந்த முத்தழகு என்பவர் மூலமாக தான் ஆற்றுமணல் திருடப்படுவதாக, வேம்பார் கிராம நிர்வாக அலுவலர் பொன்பாரத் அளித்த புகாரின் அடிப்படையில், சூரங்குடி காவல் நிலைய போலீசார் வழக்குப்பதிவு செய்து டிராக்டரின் உரிமையாளரான முத்தழகு, ஆற்று மணல் திருடிய குற்றவாளிகளான செல்லத்துரை மற்றும் முனீஸ் ஆகியோர் மீது வழக்கு பதிவு செய்து  தீவிரமாக தேடி வருகின்றனர்.

 
Published by:Sankaravadivoo G
First published:

Tags: Sand, Thoothukudi

அடுத்த செய்தி