ஆசைப்பட்டு போலீஸ் வேலைக்கு வந்தேன்.. வேதனையோடு போறேன் - ஆடு திருடும் கும்பலின் வைரல் ஆடியோவால் எஸ்.ஐ ராஜினாமா

குண்டாசில் போடாமல் இருக்க ஆடு திருடும் கும்பலிடம் லஞ்சம் கேட்டதாக எழுந்த புகாரில் குற்றம் சாட்டப்பட்ட விளாத்திகுளம் உதவி ஆய்வாளர் பதவியை ராஜினாமா செய்துள்ளார்.

தூத்துக்குடி மாவட்டம் விளாத்திகுளம் காவல் உதவி ஆய்வாளராக இருந்த கங்கைநாதபாண்டியன், ஆடும் திருடும் கும்பலை சேர்ந்தவர்களை குண்டர் தடுப்பு காவலில் வைக்காமல் இருக்க லஞ்சம் கேட்டதாக சில ஆடியோக்கள் சமூக வலைதளங்களில் வெளியாகி பரபரப்பை ஏற்படுத்தியிருந்தது. தன் மீது அவதூறு பரப்ப வேண்டும் என்றே திட்டமிட்டு இதுபோன்ற ஆடியோக்கள் வெளியிடப்பட்டுள்ளதாகவும், குற்றவாளிகளை பிடிக்கவே அவர்களுக்கு துணை போவது போன்று பேசியதாகவும், அதில் முழுமையான ஆடியோவை வெளியிடாமல் சித்தரித்து வெளியிடப்பட்டுள்ளதாக உதவி ஆய்வாளர் கங்கைநாதபாண்டியன் தெரிவித்து இருந்தார்.

Also Read:  சிக்னலில் நின்ற கார்.. காதல் ஜோடி அலறல் சத்தம் - கோவையில் நள்ளிரவில் பரபரப்பு

மேலும் தான் நிலுவையில் இருந்த பல வழக்குகளை திறம்பட முடித்துள்ளேன், அதற்காக உயர் அதிகாரிகளிடம் பாராட்டும் பெற்றுள்ளதாகவும், குற்றவாளிகள் வழக்கில் இருந்த தப்பிக்க இது போன்ற ஆடியோக்களை வெளியிட்டுள்ளதாக விளக்கம் கொடுத்து இருந்தார். இந்த ஆடியோ விவகாரத்தினை தொடர்ந்து அவர் ஆயுத படைக்கு மாற்றப்பட்டு இருந்த நிலையில் நேற்று மாலையில் திடீரென தனது பதவியை ராஜினாமா செய்துள்ளார்.

Also Read:  ஆடு திருடும் கும்பலிடம் எஸ்.ஐ லஞ்சம் கேட்ட ஆடியோ வைரல் - பின்னணி என்ன?

நெல்லை சரக டிஐஜிக்கு அவர் அனுப்பியுள்ள ராஜினாமா கடிதத்தில் நெல்லை, சிவகங்கை, புதுக்கோட்டை, ராமநாதபுரம், தூத்துக்குடி என பல்வேறு மாவட்டங்களில் உதவி ஆய்வாளராக சிறப்பாக பணியாற்றி வந்துள்ளதாகவும், தன்னுடைய பெயருக்கு களங்கம் ஏற்படுத்த வேண்டும் என்ற நோக்கில் சிலர் ஆடியோ வெளியிட்டுள்ளனர்.

Also Read: 11-ம் வகுப்பு மாணவி தூக்கிட்டு தற்கொலை - சென்னையில் அதிர்ச்சி சம்பவம்