Home /News /tamil-nadu /

வணிகர்களிடம் வசூல் வேட்டை.. பேப்பரை கிழித்தால் மாட்டிக்கொண்ட போலி போலீஸ் - கோவில்பட்டி சம்பவம்

வணிகர்களிடம் வசூல் வேட்டை.. பேப்பரை கிழித்தால் மாட்டிக்கொண்ட போலி போலீஸ் - கோவில்பட்டி சம்பவம்

போலீஸ் எனக்கூறி வசூல்வேட்டை நடத்திய நபர்

போலீஸ் எனக்கூறி வசூல்வேட்டை நடத்திய நபர்

கோவில்பட்டி பகுதியில் உள்ள வணிக நிறுவனங்கள் மற்றும் கடைகளில் எஸ்.பி.சி.ஐ.டி போலீஸ் என்று கூறி நூதன மோசடியில் ஈடுபட்ட நபரை போலீஸார் கைது செய்தனர்.

கோவில்பட்டியில் எஸ்.பி.சி.ஐ.டி போலீஸ் என்று கூறி வணிகர்களிடம் நூதன முறையில் பணம் வசூலித்த  போலி ஆசாமி  காவல்துறையினர் கைது செய்துள்ளனர். 
தூத்துக்குடி மாவட்டம் கோவில்பட்டி 2ஆவது பங்களா தெருவைச் சேர்ந்தவர் தங்கதிருப்பதி மகன் கௌதம்(30). இவர் கோவில்பட்டி மார்க்கெட் சாலையில் அரிசிக் கடை நடத்தி வருகிறார். இவரது கடையில் திங்கள்கிழமை மாலை கடைக்கு வந்த ஒருவர் தான் எஸ்பிசிஐடி போலீஸ் என அறிமுகப்படுத்திய அவர், தனது கார் பழுதாகி நிற்பதாகவும், அதை சரி செய்ய ரூ.3 ஆயிரம் தேவைப்படுகிறது, தான் பார்சினை வீட்டில் வைத்து விட்டு வந்துவிட்டதாகவும், வீட்டிற்கு சென்றதும், தங்களுக்கு கூகுள்பே மூலம் திருப்பித் தருகிறேன் என்று அந்த டிப்டாப் ஆசாமி தெரிவித்துள்ளார்.

இதனை நம்பிய கௌதம் ரூ.3 ஆயிரம் ரொக்கப்பணத்தை அளித்துவிட்டு கூகுள்பே போன் நம்பரையும் பேப்பரில் எழுதி கொடுத்துள்ளார். பணத்தினை பெற்றதும் வெளியே சென்ற அந்த டிப்டாப் ஆசாமி, கௌதம் எழுதி கொடுத்த பேப்பரை கிழத்து போட்டுள்ளார். பேப்பரை கிழித்ததைக் கண்ட கௌதம் அவர் மீது சந்தேகப்பட்டு பணத்தை திருப்பி கேட்டுள்ளார். அதையடுத்து ஏற்பட்ட தகராறில் கௌதமுக்கு, அந்த டிப்டாப் ஆசாமி கொலை மிரட்டல் விடுத்தது மட்டுமின்றி, தூக்கி உள்ளே வைத்து அடித்து துவைத்து விடுவேன் என்று மிரட்டியதாக தெரிகிறது.

Also Read: திருப்பூரில் பூட்டிய வீடுகளில் கைவரிசை காட்டிவந்த அண்ணன் தம்பி- ஆம்னி வேனுடன் சிக்கினர்

இதையடுத்து அருகில் இருந்த கடைக்காரர்கள் உதவியுடன் அந்த டிப்டாப் ஆசாமியை பிடித்து வைத்து கொண்டது மட்டுமின்றி கௌதம் போலீசாருக்கு தகவல் கொடுத்துள்ளார். கௌதம் அளித்த தகவலின் பேரில், சம்பவ இடத்திற்குச் சென்ற கிழக்கு காவல் நிலைய போலீஸார், அந்த நபரை பிடித்து விசாரித்த போது அவர் சிவகங்கை மாவட்டம் இளையான்குடி மாணிக்கவாசகர் நகரைச் சேர்ந்த சந்திரன் மகன் தெட்சிணாமூர்த்தி(47) என்பது தெரியவந்தது. மேலும் அவர் வைத்திருந்த ஒரு அடையாள அட்டையில் கும்பகோணம் அரசு போக்குவரத்துக் கழக துணை மேலாளர் எனக் குறிப்பிட்டிருந்தது. அதை பறிமுதல் செய்தனர்.

இதுகுறித்து கிழக்கு காவல் நிலைய போலீஸார் வழக்குப் பதிந்து, அரிசிக் கடை அதிபரிடம் எஸ்பிசிஐடி போலீஸ் என  நடித்து, கொலை மிரட்டல் விடுத்த தெட்சிணாமூர்த்தியை கைது செய்தனர். போலீசார் விசாரணை நடத்தும் போது முன்னுக்கு பின்முரணாகத்தான் தட்சிணாமூர்த்தி பதில் கூறினார். தனது அம்மாவிற்கு உடல் நிலை பாதிக்கப்பட்ட காரணத்தினால் தான் இது போன்ற செயலில் ஈடுபட்டதாக தெரிவித்துள்ளார்.அரசி கடை மட்டுமின்றி கிருஷ்ணன் கோவில் அருகே உள்ள பிரபல ஆண்களுக்கான ஆடையகம், பலசரக்கு கடை என பல இடங்களில் தெட்சிணாமூர்த்தி தனது கைவரிசையை காட்டியது தெரியவந்துள்ளது.

Also Read:  திருப்பூரில் பூட்டிய வீடுகளில் கைவரிசை காட்டிவந்த அண்ணன் தம்பி- ஆம்னி வேனுடன் சிக்கினர்

300ரூபாய் முதல் 3000 ஆயிரம் வரை நூதன மோசடி செய்துள்ளார். அதற்கான சிசிடிவி காட்சிகளும் தற்பொழுது வெளியாகியுள்ளது. கடந்த 1ந்தேதி முதல் கோவில்பட்டி பகுதியில் தனது கைவரிசையை காட்டியுள்ளது பல கடைகளில் பதிவாகியுள்ள சிசிடிவி காட்சிகள் மூலமாக தெரியவந்துள்ளது. டிப்டாப் உடை அணிந்து எவ்வித சலனமும் இல்லமால், காவல்துறை அதிகாரி போன்று கனகச்சிதமாக யாருக்கும் சந்தேகம் ஏற்படா வண்ணம் நடித்து மோசடி செய்த தட்சிணாமூர்த்தி அவசரபட்டு பேப்பரை கிழித்து போட்டதால் வசமாக சிக்கி கொண்டார். பல கடைக்காரகள் பணத்தினை கொடுத்து ஏமாந்த இருந்தாலும், ஏனோ புகார் கொடுக்க தயக்கம் கட்டியது குறிப்பிடத்தக்கது. போலீசார் தட்சிணாமூர்த்தியை முழுமையாக விசாரணை நடத்தினால் வேறு எங்கும் கைவரிசை காட்டியுள்ளது பற்றி தகவல் தெரியும்.
Published by:Ramprasath H
First published:

Tags: Crime News, Money, Police, Thoothukudi, Tirupur

அடுத்த செய்தி