Home /News /tamil-nadu /

திருக்குறள் ஆன்மீக கருத்துகள் நிறைந்தது: அரசியல் காரணங்களுக்காக அதை சுருக்க கூடாது - ஆளுநர் ஆர்.என்.ரவி

திருக்குறள் ஆன்மீக கருத்துகள் நிறைந்தது: அரசியல் காரணங்களுக்காக அதை சுருக்க கூடாது - ஆளுநர் ஆர்.என்.ரவி

ஆர்.என்.ரவி

ஆர்.என்.ரவி

திருக்குறள் ஆன்மீகக் கருத்துகள் நிறைந்தது. அதை அரசியல் காரணங்களுக்காக சுருக்கக் கூடாது என்று ஆளுநர் ஆர்.என்.ரவி தெரிவித்துள்ளார்.

திருக்குறளின் முதல் குறளில் வரும் ஆதி பகவன் என்பதும், ரிக் வேத்தில் வரும் பரமாத்மாவும் ஓன்றுதான் எனவும், திருக்குறள் ஆன்மீக கருத்துக்கள் நிறைந்தது எனவும் அதனை அரசியல் சித்தாந்தங்களுக்காக அதை சுருக்க கூடாது என கோவையில் உலக திருக்குறள் மாநாட்டை துவக்கி வைத்த தமிழக ஆளுநர் ஆர்.என்.ரவி தெரிவித்தார்.

கோவை குனியமுத்தூரில் உள்ள கிருஷ்ணா கலை மற்றும் அறிவியல் கல்லூரியில் குறள் மலை சங்கம் சார்பில் உலக திருக்குறள் மாநாடு இன்று தொடங்கியது. இந்த மாநாட்டை தமிழக ஆளுநர் ஆர்.என் ரவி குத்துவிளக்கு ஏற்றி தொடங்கிவைத்தார். பின்னர் கல்வெட்டில் திருக்குறள் என்ற நூலை ஆளுநர் வெளியிட்டார். இதனைத் தொடர்ந்து 10 மாணவர்களுக்கு சிறந்த தமிழ் மாணாக்கர் சான்றிதழ்களையும், தமிழ் சான்றோர்களுக்கு விருதுகளையும் வழங்கினார்.

இந்த மாநாட்டில் கலந்து கொண்டு பேசிய ஓய்வு பெற்ற உயர் நீதிமன்ற நீதிபதி கிருபாகரன் தமிழில் படித்தவர்களுக்கு முன்னுரிமை வழங்கி தமிழில் படித்தால் வேலை என்ற நிலைக்கு தள்ளப்பட்டுள்ளோம் எனவும் அடுத்த தலைமுறைக்கு தமிழை கொண்டு செல்ல வேண்டிய அவசியம் இருக்கின்றது எனவும் தெரிவித்தார்.

தமிழ்நாட்டில் இன்று ஒரே நாளில் 8,981 பேருக்கு கொரோனா: சென்னையில் 4,531 பேர் பாதிப்பு



தமிழ் மொழியில் வளர்ச்சி எற்பட்டால் சமூகம் வளரும் என தெரிவித்த அவர், இந்தியாவில் சில மொழிகளுக்கு முக்கியத்துவம் கொடுக்கப்படுவதை போல பிற மொழிகளுக்கு முக்கியத்துவம்  கொடுக்கப்படுவது இல்லை என தெரிவித்தார். ஆங்கிலம் முதல் மொழியாக வைத்து, இரண்டாவது மொழியாக தமிழ் மொழியை வைத்து கற்க வேண்டும் எனவும், தமிழை அடுத்த தலைமுறைக்கு கொண்டு செல்வேண்டும் எனவும் தெரிவித்தார்.

இதனைதொடர்ந்து பேசிய தமிழக ஆளுநர் ரவி, ‘தமிழகம் புண்ணிய பூமி, ஆன்மீக பூமி என தெரிவித்தார். இங்கு சிறந்த மனிதர்கள் இருந்துள்ளார்கள் எனவும் திருவள்ளுவர், விவேகானந்தா, வீரபாண்டிய கட்டபொம்மன், வ.உ.சிதம்பரம் பிள்ளை, மகாகவி பாராதி ஆகியோர் ஆன்மீகம் மூலம் இளைஞர்களுக்கு பல அறிவுரைகளை வழங்கி உள்ளனர்.

அகர முதல எழுத்தெல்லாம் ஆதி பகவன் முதற்றே உலகு என்ற முதல் குறளில் வரும் ஆதி பகவனும் ரிக் வேத்தில் வரும் பரமாத்மாவும் ஓன்றுதான் எனகூறிய அவர், திருக்குறள் ஆன்மீக கருத்துகளை பேசி இருக்கின்றது எனவும், பிறப்பிற்கும் இறப்பிற்கும் இடையிலான விடயங்களையும், ஒழுக்கத்தையும், நெறிமுறைகளையும் திருக்குறள் போதிக்கின்றது எனவும் தெரிவித்தார்.

ஆராய்ச்சியாளர்கள் மொழிமாற்றம் செய்யும் போது அதன் உள் அர்த்தம் மாறுவதைத் தவிர்க்க வேண்டும் எனவும், ஆன்மீகம், பக்தி கொள்ள தனியாக காரணம் தேவையில்லை எனவும், நாம் எப்போதும் அறநெறிகளை கடைப்பிடிக்க வேண்டும் எனவும் தெரிவித்தார்.

திருக்குறள் ஆன்மீக கருத்துக்கள் நிறைந்தது எனவும் அதனை அரசியல் சித்தாந்தங்களுக்காகவும, நிர்பந்தங்களுக்காகவும அதை சுருக்க கூடாது எனவும் தமிழக ஆளுநர் ஆர்.என்.ரவி தெரிவித்தார்.

இம்மாநாட்டில் 1330 திருக்குறளையும் மலையில் கல்வெட்டில் பதித்து திருக்குறள் மலை உருவாக்கப்பட வேண்டும். மலையில் கல்வெட்டில் பதிக்கப்படும் திருக்குறளை உலக நூலாக யுனெஸ்கோ நிறுவனம் அங்கீகரிக்க வேண்டும். உலக நூலாக அறிவிக்கப்பட இருக்கும் திருக்குறளை ஐக்கிய நாடுகள் சபை தன் உறுப்பு நாடுகள் அனைத்திலும் பாடத்திட்டமாக திருக்குறளை சேர்க்க ஆவண செய்ய வேண்டும் என மூன்று  தீர்மானங்கள் நிறைவேற்றப்பட்டன. முன்னதாக  உலக திருக்குறள் மாநாடு நிகழ்வில் கருப்பு வண்ண முக கவசம் அணிந்தோரின் முக கவசங்களை விட்டு அவர்களுக்கு  வேறு வண்ண முகக் கவசம் வழங்கப்பட்டது.
Published by:Karthick S
First published:

Tags: Thirukkural

அடுத்த செய்தி