தமிழகத்தில் முதற்கட்டமாக 5 லட்சம் பேருக்கு தடுப்பூசி போட திட்டம்...!

உலகின் பல்வேறு நாடுகளில் முதல் கொரோனா தடுப்பூசி போடப்பட்டுள்ள நிலையில், தமிழகத்திலும் கொரோனா தடுப்பூசி போடுவதற்கான ஆயத்த பணிகள் மும்முரமாக நடைபெற்று வருகின்றன.

மத்திய மருந்து தர கட்டுப்பாட்டு மையத்தில் 3 இந்திய நிறுவனங்கள் தடுப்பூசி அனுமதிக்காக விண்ணப்பித்துள்ளனர். இந்த நிலையில் தமிழகத்தில் தடுப்பூசி விநியோக ஏற்பாட்டை உறுதி செய்ய கண்காணிப்பு குழுக்கள் ஏற்படுத்தப்பட்டுள்ளன.

5 லட்சம் பேருக்கு முதல் கட்டமாக தடுப்பூசி போடப்பட உள்ளது. மருத்துவர்கள், செவிலியர்கள் மற்றும் பிற மருத்துவ பணியாளர்கள் என முன் கள பணியாளர்கள் மற்றும், முதியவர்கள், இணை நோய்கள் உள்ளவர்களுக்கு முதல் கட்ட தடுப்பூசிக்கு வாய்ப்பு வழங்கப்பட்டும் என தெரிவிக்கப்பட்டுள்ளது-

Also read... 630 மினி கிளினிக்குகள் 15-ம் தேதி திறப்பு- சுவர்கள் பச்சை வண்ணத்தில் இருக்க வேண்டும் என சுற்றறிக்கை!



தமிழகம் முழுவதும் 2800 மையங்களில் தடுப்பூசியை இருப்பு வைத்து பயன்படுத்தவும், 51 மையங்களில் பதப்படுத்தி வைக்கவும் வசதிகள் உள்ளன. இந்த மையங்கள் அரசு மருத்துவமனை முதல் ஆரம்ப சுகாதார நிலையம் வரை இருக்கின்றன. இதில் 2 கோடி பேர்களுக்கான தடுப்பூசி இருப்பு வைக்க முடியும்.