சிறுமிக்கு ஆபாச வீடியோக்கள் அனுப்பிய திமுக பிரமுகருக்கு அடி, உதை...

Youtube Video

தென்காசி மாவட்டத்தில், 12ம் வகுப்பு படிக்கும் சிறுமிக்கு ஆபாச வீடியோக்கள் அனுப்பியதாக திமுக பிரமுகரை சிறுமியின் குடும்பத்தினர் சரமாரியாக அடிக்கும் வீடியோ காட்சிகள் வெளியாகியுள்ளன.

  • Share this:
    தென்காசி மாவட்டம் சங்கரன்கோவிலைச் சேர்ந்தவர் சோமசெல்வப் பாண்டி. இவர் திமுக மாவட்ட பொதுக்குழு உறுப்பினராகவும், மாவட்ட நெசவாளர் பிரிவு துணைச் செயலாளராகவும் உள்ளார். குடும்பத்தை விட்டு தனியே வாடகைக்கு வீடு எடுத்து வசித்து வருகிறார். அதே பகுதியில் உள்ள உணவகம் ஒன்றில் தினசரி சாப்பிடுவது அவரது வழக்கம். நீண்ட காலமாக அந்த உணவகத்திலேயே அவர் சாப்பிட்டு வருவதால் உணவக உரிமையாளர் குடும்பமும் அவருடன் நெருங்கிப் பழகியுள்ளது.

    உணவக உரிமையாளரின் பிளஸ் 2 படிக்கும் மகள், சோமசெல்வப் பாண்டியை சிற்றப்பா என்று அழைத்துப் பாசம் காட்டியுள்ளார். ஆனால் சோமசெல்வப் பாண்டியோ சிறுமியின் வாட்ஸ் ஆப் எண்ணுக்கு கடந்த சில நாட்களாக ஆபாசப் படங்கள், வீடியோக்கள் அனுப்பியதாகக் கூறப்படுகிறது.

    மேலும் படிக்க... மீண்டும் ஸ்டெர்லைட் - ஆக்சிஜனைத் தயாரிக்குமா? அத்துமீறுமா?

    முதலில் தவறாக அனுப்பியிருப்பார் என்று சிறுமி நினைத்த நிலையில் தொடர்ந்து வந்ததால், தனது பெற்றோரிடம் கூறி அழுதுள்ளார். ஆத்திரமடைந்த பெற்றோர், சோமசெல்வப் பாண்டி வீட்டிற்கே சென்று அவரை சரமாரியாக அடித்துள்ளனர். அந்தக் காட்சியை அங்கிருந்த ஒருவர் வீடியோ எடுத்துள்ளார். இந்த வீடியோ தற்போது சங்கரன்கோவில் வட்டாரத்தில் வேகமாகப் பரவி வருகிறது.



    சிறுமியின் பெற்றோர், போலீசாரிடம் புகாரளிக்கவில்லை என்று தெரிகிறது. எனினும் வீடியோ வேகமாகப் பரவி வருவதால் சங்கரன்கோவில் போலீசார் இதில் தலையிட்டு நடவடிக்கை எடுக்க வாய்ப்புள்ளதாக கூறப்படுகிறது.



    உடனடி செய்திகளுக்கு இணைந்திருங்கள்
    Published by:Vaijayanthi S
    First published: