திமுக புறக்கணித்ததன் காரணமாக குற்றாலம் பேரூராட்சி தேர்தல் மீண்டும் ஒத்திவைப்பு

குற்றாலம் பேரூராட்சியில் தலைவர், துணைத்தலைவர் தேர்தலை திமுக புறக்கணித்ததன் காரணமாக  தேர்தல் நடுத்தும் அலுவலர் இரண்டாவது முறையாக ஒத்தி வைத்து அறிவிப்பு வெளியிட்டுள்ளார்.

தென்காசி மாவட்டத்தின் பிரதானமாக குற்றாலம் பார்க்கப்படுகிறது. அந்த வகையில் குற்றாலம் பேரூராட்சியை கைப்பற்ற திமுக, அதிமுக இடையே கடும் போட்டி நிலவியது. இதில் நடைபெற்று முடிந்த பேரூராட்சி தேர்தலில் குற்றாலத்தில் உள்ள 8 வார்டுகளில் திமுக மற்றும் அதிமுக 4 க்கு 4 என்ற விகிதத்தில் சம அளவில் வெற்றி பெற்றுள்ளது.

இந்நிலையில் இன்று மீண்டும் பேரூராட்சியில் மறைமுக தலைவர், துணைத்தலைவர் தேர்தல் பேரூராட்சி அலுவலகத்தில்  நடைபெற்ற நிலையில் அதிமுக வார்டு உறுப்பினர்கள் மட்டும் கலந்து கொண்டனர், திமுக உறுப்பினர்கள் கலந்து கொள்ளாமல் புறக்கணித்து விட்டனர். இதனை தொடர்ந்து தேர்தலுக்கான கால அவகாசம் நிறைவு பெற்ற நிலையில் இரண்டாவது முறையாக தேர்தலை ஒத்திவைப்பதாக ராஜமனோகரன் தேர்தல் நடத்தும் அலுவலர் (உதவி ஆணையர் கலால்)  அறிவித்தார்.

ALSO READ |  வாக்கிங் சென்ற மூதாட்டியிடம் தங்க செயின் பறிப்பு - தொடர் குற்றச் செயல்களால் அலறும் அருப்புக்கோட்டை