92 நாட்களில் ஆயிரம் கிலோ மீட்டர் ஓடிய தமிழக அமைச்சர் மா. சுப்ரமணியன்

தமிழக மக்கள் நல்வாழ்வுத்துறை அமைச்சர் மா.சுப்ரமணியன் கடந்த 92 நாட்களில் 1000 கிலோ மீட்டர் தூரம் ஓடி புதிய சாதனை படைத்துள்ளார்.

மாரத்தான் எனும் நீண்ட தூர ஓட்டப் போட்டிகளில் அதிக ஆர்வம் கொண்டவர் மா.சுப்ரமணியன். கடந்த 2014-ல் ஓடுவதற்கு ஆரம்பித்த அமைச்சர், 130-க்கும் அதிகமான மாரத்தான்களில் பங்கேற்று போட்டி தூரமான 42 கிலோ மீட்டரை நிறைவு செய்திருக்கிறார்.

அமைச்சராக இருக்கும் அவர், வெளியூர் சுற்றுப் பயணங்களின்போது அங்கும் ஓட்டப் பயிற்சியில் ஈடுபடுவதற்கு தவறியதில்லை. தொடர்ந்து மக்களும் தங்களது உடல் நலனை பேணுமாறு அமைச்சர் அறிவுறுத்தி வருகிறார்.

சற்றுமுன் விழுப்புரம் பேருந்து நிலையத்தில் தடுப்பூசி பற்றிய தகவல் கேட்டறியப்பட்டது.... pic.twitter.com/bDHbdfmlTm

— Subramanian.Ma (@Subramanian_ma) December 4, 2021

மற்றவர்கள் மேல் நாம் கொள்ளும் அக்கறையானது சில சமயங்களில் கேள்விக்குறியாகிவிடுகிறது.இதை ஒவ்வொருவரும் உணர்ந்துகொள்ளவே அக்டோபர்- 25 அன்று“NATIONAL I CARE ABOUT YOU DAY”கடைபிடிக்கப்படுகிறது. pic.twitter.com/NRRdHdXvmN

— Subramanian.Ma (@Subramanian_ma) January 24, 2022

கடந்த ஆண்டு அக்டோபர் 25-ம்தேதி உடல் நலனின் அக்கறை கொள்ளும் தேசிய தினத்தை முன்னிட்டு, அடுத்த 100 நாட்களில் ஆயிரம் கிலோமீட்டர் ஓடப் போவதாக அமைச்சர் உறுதி எடுத்துக் கொண்டிருந்தார்.

கால் கிரவுண்ட் (600 ச.அ.)மொட்டை மாடியிலேயே எட்டு போட்ட நாம் 4.5 கிரவுண்ட் அரசு பங்களாவில் எட்டு போடாம விட்டுருவோமா ? இன்றைய பயிற்சி 15 கிமீ... pic.twitter.com/clcaqEVUqR

— Subramanian.Ma (@Subramanian_ma) October 16, 2021

இன்று காலை 21.1 கிலோமீட்டர் தூரத்திற்கான நமது 131 வது மாரத்தான் போட்டியை Dream Runners virtual Marathon ல் ஓடி நிறைவு செய்தோம்... pic.twitter.com/HCL4eZSTLa

— Subramanian.Ma (@Subramanian_ma) October 8, 2021

முன்பெல்லாம் வெளியூர்களுக்கு சென்றால் நல்ல நல்ல உணவகங்களை தேடி சென்று உணவருந்துவோம்.இப்போதெல்லாம் வெளியூருக்கு வந்தால் அதிகாலைகளில் ஓடுவதற்கு நல்ல இடங்களை தேடுகிறோம்.இன்றைய அதிகாலையில் வரலாற்று சிறப்புமிக்க வைகை அணையில் 12 கிமீ ஓடி மகிழ்ந்தோம்.. pic.twitter.com/Ot1jYR7pS1

— Subramanian.Ma (@Subramanian_ma) October 3, 2021

இந்நிலையில் 92 நாட்களுக்குள்ளாக உறுதியை நிறைவேற்றிய அமைச்சர் மா. சுப்ரமணியன் மொத்தம் 1009.86 கிலோ மீட்டர் ஓடி சாதனை படைத்துள்ளார். அமைச்சருக்கு பல்வேறு தரப்பினர் வாழ்த்துக்களை தெரிவித்து வருகின்றனர்.