Breaking News Today: இன்று 5 மாவட்டங்களில் கனமழைக்கு வாய்ப்பு

கேரளாவுக்கு கடத்த முயற்சித்த 30.டன் ரேஷன் அரிசி மற்றும் லாரி பறிமுதல்...

பொள்ளாச்சி வழியாக கேரளாவுக்கு கடத்த முயற்சித்த 30.டன் ரேஷன் அரிசி மற்றும் லாரி பறிமுதல் செய்யப்பட்டுள்ளது. கடத்தலில் ஈடுபட்ட கேரளாவை சேர்ந்த லாரி ஓட்டுநர்கள் வினோத் மற்றும் உசேன் ஆகிய இருவர் கைது செய்யப்பட்டுள்ளனர். முதல் கட்ட விசாரணையில், சென்னை ரெட்ஹில்ஸ் பகுதியில் இருந்து ரேஷன் அரிசி மூட்டைகளை கேரளாவை சேர்ந்த ஷபர் அலி என்பவர் கடத்தி வர சொன்னதாக ஓட்டுநர்கள் வாக்குமூலம் அளித்தனர். இதை தொடர்ந்து கடத்தல் வாகனத்தில் வந்த இருவரையும் நீதிமன்ற காவலுக்கு அனுப்பி வைத்த குடிமைப்பொருள் வழங்கல் குற்றப்புலனாய்வு துறை அதிகாரிகள் தொடர் விசாரணை நடத்தி வருகின்றனர்.

நிலக்கரி தட்டுப்பாடு.. 8 மணி நேர மின்வெட்டு ஏற்படும் அபாயம்!

சென்னை ஐஐடி-யில் மேலும் 18 பேருக்கு கொரோனா தொற்று

சென்னை பல்லாவர வார சந்தையில் தொடர் திருட்டு 

சென்னை விமான நிலையம் அடுத்த பல்லாவரம் சந்தையானது ஒவ்வொரு வாரமும் வெள்ளிக்கிழமையன்று நடைபெறும், இந்த பல்லாவரம் வார சந்தை மிகவும் பிரபலமானது.

கத்தரிக்காய் முதல் கணினி வரை எதையும் வாங்கிடலாம் என்பதற்காக சென்னை மட்டுமின்றி, சுற்று வட்டாரப் பகுதிகளில் இருந்து பொதுமக்களின் கூட்டம் அலைமோதுவதால் இந்த கூட்ட நெரிசலில் இருசக்கர வாகன திருட்டு செல்போன் திருட்டு என தொடர்ந்து அரங்கேறி வந்ததால் இதை தடுக்க பாதுகாப்புப் பணிகளில் போலீஸார் ஈடுபட்டு வந்தனர் திருட்டு சம்பவங்கள் குறைந்தே காணப்பட்டது.

இந்நிலையில் சந்தையில் செடிகள் மற்றும் கலைப் பொருட்கள் வாங்குவதற்காக,பிரபல நாட்டுப்புற மற்றும் திரைப்பட பின்னணி பாடகர் புஷ்பவனம் குப்புசாமி வந்துள்ளார். சந்தையின் விற்பனை வைத்திருந்த பொருட்களை பார்த்தும் ஆர்வத்துடன் வாங்கி கொண்டுஇருந்துள்ளார். அப்போது பத்திரமாக வைத்திருந்த 1லட்ச்சத்தி 50,ஆயிரம் ரூபாய் மதிப்புள்ள செல்போனை மர்ம நபர்கள் திருடிச் சென்றுள்ளனர். 

விசாரணையில் அனைத்து கேள்விகளுக்கும் சசிகலா உரிய பதிலை அளித்துள்ளார் - ராஜா செந்தூர்பாண்டியன், வழக்கறிஞர்

கோவில்பட்டி அருகே தேசிய நெடுஞ்சாலையில் கார் கவிழ்ந்து விபத்து - 3 பேர் காயம்

தூத்துக்குடி மாவட்டம் கோவில்பட்டி கூடுதல் பஸ் நிலையம் அருகே தேசிய நெடுஞ்சாலையில் கார் கவிழ்ந்து விபத்துக்குள்ளானதில் காரில் வந்த திருப்பூரை சேர்ந்த ராஜேந்திரன், அவரது மனைவி வசந்தி, மகன் சங்கரன் ஆகிய 3 பேரும்  காயமடைந்தனர். திருப்பூரில் இருந்து கயத்தார் கோபாலபுரத்தில் உள்ள உறவினர் வீட்டிற்கு சென்ற போது கார் விபத்து ஏற்பட்டுள்ளது. காயமடைந்த 3 பேரும் சிகிச்சைக்காக கோவில்பட்டி அரசு மருத்துவமனையில் அனுமதிக்கப்பட்டுள்ளனர். விபத்து குறித்து கோவில்பட்டி மேற்கு காவல் நிலைய போலீசார் விசாரணை நடத்தி வருகின்றனர்.

மதுரையில் விஷவாயு தாக்கி 3 பேர் பலி... மனித உயிரை விடவா இயந்திரத்தின் விலை அதிகம்? - தமிழக அரசுக்கு அண்ணாமலை கேள்வி

எத்தனை நாட்கள் கழிவுநீர் தொட்டியை மனிதர்களால் சுத்தப்படுத்த போகிறோம். சுத்திகரிப்பு இயந்திரங்களை வாங்க தமிழக அரசு தயங்குவதற்கு காரணம் என்ன? மனித உயிரை விடவா இயந்திரத்தின் விலை அதிகமாகிவிட்டது? என கழிவுநீர் தொட்டியில் விழுந்து 3 தொழிலாளர்கள் உயிரிழந்த விவகாரத்தில் தமிழக பாஜக தலைவர் அண்ணாமலை கேள்வி எழுப்பியுள்ளார்.

கோடநாடு வழக்கு விசாரணை.. சசிகலாவின் முக்கிய வாக்குமூலம்

இந்தியாவில் தினசரி கொரோனா பாதிப்பு மேலும் சற்று அதிகரித்துள்ளது

ராமநாதபுரம் அருகே காரும், பைக்கும் நேருக்கு நேர் மோதியதில் இருசக்கர வாகனத்தில் சென்றவர் பலி 

ராமநாதபுரம் அருகே கிழக்கு கடற்கரை சாலை பகுதியான மாடகோட்டான் ஜங்ஷன் பகுதி அருகே காரும் இருசக்கர வாகனமும் நேருக்கு நேர் மோதியதில் இருசக்கர வாகனத்தில் வந்தவர் சம்பவ இடத்திலேயே பலியானார். சம்பவ இடத்திற்கு விரைந்து வந்த கேணிக்கரை போலீசார் உடலை கைப்பற்றி விசாரணை செய்து வருகின்றனர். முதற்கட்ட விசாரணையில் இறந்தவர் அச்சுந்தன்வயல் பகுதியைச் சேர்ந்த முருகானந்தம் என்பது தெரியவருகிறது.