சட்டமன்ற தேர்தல்: டி.ராஜேந்தர் அடுக்கு மொழியில் விடுத்துள்ள அறிவிப்பு

சட்டமன்ற தேர்தல்: டி.ராஜேந்தர் அடுக்கு மொழியில் விடுத்துள்ள அறிவிப்பு

டி ராஜேந்தர்

லட்சிய திமுக தலைவரும் திரைப்பட இயக்குனருமான டி.ராஜேந்தர் தமிழக சட்டசபை தேர்தல் பற்றியும் அதில் தன்னுடைய நிலைபாடு தொடர்பாகவும் அடுக்கு மொழியில் அமைந்த அறிக்கை ஒன்றை வெளியிட்டுள்ளார்.

  • Share this:
    லட்சிய திமுக தலைவரும் திரைப்பட இயக்குனருமான டி.ராஜேந்தர் தமிழக சட்டசபை தேர்தல் பற்றியும் அதில் தன்னுடைய நிலைபாடு தொடர்பாகவும் அடுக்கு மொழியில் அமைந்த அறிக்கை ஒன்றை வெளியிட்டுள்ளார்.

    அந்த அறிக்கையில், “ஜெயலலிதா இல்லாமல் அதிமுக சந்திக்கின்ற முதல் சட்டசபை தேர்தல்களம். அதுபோல் மறைந்த முதல்வர் கருணாநிதி இல்லாமல் திமுக சந்திக்கின்ற முதல் சட்டசபை தேர்தல்களம். இரண்டு கட்சிகளுக்குமே இருக்கிறது அவரவர் பலம். இதை தவிர கூட்டணி என்று சேர்ந்திருக்கிறார்கள் பக்க பலம். அதை தவிர அவர்களிடம் இருக்கிறது பண பலம்.

    இரண்டு கட்சிகளுமே பார்த்துக் கொள்ளப்போகிறது பலப்பரீட்சை. இதில் நான் போய் என்ன செய்யப்போகிறேன் புதுசிகிச்சை. ஒருவருடைய வாக்கு வன்மை. அவர் வார்த்தையில் இருக்கும் தன்மை, அதில் வெளிப்படும் உண்மை. அதற்கு ஒரு சக்தி இருக்கிறது என்று முன்னாள் முதல்வர்கள் நம்பினார்கள். அதன் அடிப்படையில் என்னை தேர்தல் பிரசாரத்தில் அழைத்தார்கள் அது ஒரு காலம்.

    கொள்கையை சொல்லி ஓட்டு கேட்டதெல்லாம் அந்த காலம். கொடுக்க வேண்டியதை கொடுத்து ஓட்டு வாங்கிக் கொள்ளலாம் என்பது இந்த காலம். காலமும் சரியில்லை, களமும் சரியில்லை. கரையில் ஒதுங்கி நின்று வேடிக்கை பார்க்கலாம் என்று முடிவு எடுத்துவிட்டேன்.

    பத்தும் பத்தாததற்கு இது கொரோனா காலம். பாதுகாப்பு வேண்டுமென்றால் அணிந்து கொள்ள வேண்டும் முகமூடி. பக்குவப்பட்டவனாய் வாழ வேண்டும் என்றால் அமைதி காக்க வேண்டும் வாய்மூடி.

    Must Read : நான் பேசியதை வெட்டி ஒட்டியுள்ளார்கள்... தவறாக புரிந்துக்கொண்டால் நான் பொறுப்பல்ல - ஆ.ராசா பிரத்யேக பேட்டி

     

    இந்த சட்டபேரவை தேர்தலில் எங்கள் லட்சிய திமுக யாரையும் ஆதரிக்கவும் இல்லை, அரவணைக்கவும் இல்லை. நடுநிலையோடு இருக்க நாங்கள் விரும்புகிறோம். நாடும், நாட்டு மக்களும் நன்றாக இருக்க வேண்டும் என்று எல்லாம் வல்ல இறைவனை பிரார்த்திக்கிறோம்.” இவ்வாறு டி.ராஜேந்தர் கூறியுள்ளார்.
    Published by:Suresh V
    First published: