• HOME
  • »
  • NEWS
  • »
  • tamil-nadu
  • »
  • ‘மனிதனை ஏமாற்ற வேண்டும் எனில் அவன் ஆசையைத் தூண்ட வேண்டும்' - தேர்தல் அறிக்கை குறித்து காட்டமாக விமர்சித்த சுமந்த் சி. ராமன்

‘மனிதனை ஏமாற்ற வேண்டும் எனில் அவன் ஆசையைத் தூண்ட வேண்டும்' - தேர்தல் அறிக்கை குறித்து காட்டமாக விமர்சித்த சுமந்த் சி. ராமன்

சுமந்த் சி ராமன்

சுமந்த் சி ராமன்

50 ஆண்டு காலம் மாறி மாறி ஆட்சி செய்த கட்சிகளுக்கு இது தெரியாதா? தெரிந்து கொண்டு தான் மாறி மாறி இவ்விதம் அறிக்கைகளை விடுகின்றனறா? வருத்தமாக உள்ளது என அரசியல் விமர்சகர் சுமந்த் சி. ராமன் நியூஸ்18 தொலைக்காட்சிக்கு தெரிவித்துள்ளார்.

  • Share this:
    அனைவருக்கும் வீடு, ஆண்டுக்கு விலையில்லாமல் ஆறு சமையல் எரிவாயு சிலிண்டர்கள், வாஷிங்மிஷின், வீடு தேடி ரேசன் பொருட்கள் ஆகிய கவர்ச்சிகர சலுகைகள் அடங்கிய தேர்தல் அறிக்கையை அதிமுக வெளியிட்டுள்ளது. தமிழக சட்டப்பேரவை தேர்தலையொட்டி திமுக சார்பில் ஏற்கனவே தேர்தல் அறிக்கை வெளியிடப்பட்ட நிலையில், அதிமுகவின் தேர்தல் அறிக்கை ஞாயிற்றுக்கிழமை வெளியிடப்பட்டது.

    ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் கூட்டாக வெளியிட்ட இந்த அறிக்கையில், 164 வாக்குறுதிகள் இடம்பெற்றுள்ளன. இதற்கு முன்னதாக 2021 சட்டமன்ற தேர்தலுக்கான, திமுக தேர்தல் அறிக்கை வெளியிடப்பட்டது. திமுக தலைவர் மு.க.ஸ்டாலின் அண்ணா அறிவாலயத்தில், கவர்ச்சிகரமான அறிவிப்புகள் இடம் பெற்றுள்ள தேர்தல் அறிக்கையை வெளியிட்டார்.

    இந்த தேர்தல் அறிக்கை குறித்து அரசியல் விமர்சகர் சுமந்த்.சி ராமன் நியூஸ்18 தொலைக்காட்சியில் நடந்த விவாதத்தில் தனது கருத்துக்களை தெரிவித்துள்ளார். அதில், 2 தேர்தல் அறிவிப்புகளையும் ஒப்பிட்டு பார்த்தால் கவர்ச்சிகரமான அறிவிப்புகளை வெளியிட்டுள்ளனர். மக்களுக்கு தேவையான தொலைநோக்கு திட்டங்கள் இதில் இல்லை.

    இது கொடுக்கின்றோம், அதுகொடுக்கின்றோம், வாஷிங் மிஷின் கொடுக்கின்றோம் என கவர்ச்சி திட்டங்களை வெளியிட்டுள்ளனர். அதிமுக இத்தனை ஆண்டுகாலம் இருந்த கட்சி. வெளிப்படைத் தன்மை இல்லை. அதிமுக தேர்தல் அறிக்கையில் சாத்தியமே இல்லாத சில விஷயங்கள் உள்ளன. ஒரு குடும்பத்திற்கு ஒரு அரசு உத்யோகம் எப்படி கொடுக்க முடியும். யோசித்து பாருங்கள். எப்படி சம்பளம் கொடுக்க முடியும். இப்பவே மாநில அரசின் பட்ஜெட்டில் 65 சதவிகிதம் சம்பளம் மற்றும் பென்ஷன்களுக்கு செல்கின்றது. பொறுப்போடு அறிக்கையை கொடுக்க வேண்டும்.

    அரசு உத்யோகம் என்பது, 60 ஆண்டு ஒரு நபர் வேலை செய்வார். அதன் பிறகு அவர் 10 வருடம் உயிர் வாழ்வார் எனில் 60 வருடத்திற்கு கமிட்மென்ட் . இது சாத்தியமே இல்லாத ஒன்று. ரேஷன் பொருட்கள் வீடு தேடி வரும் திட்டத்தை நான் வரவேற்கின்றேன். இது சாத்தியம் வாஷிங் மிஷின், மிக்சி, கிரைண்டர் இவை அனைத்தும் சாத்தியமாகும். சாத்தியமே இல்லாத பல திட்டங்கள் இந்த அறிக்கையில் சேர்க்கப்பட்டுள்ளன.

    ரூ.1500 ஒரு குடும்பத்தலைவிக்கு ஒரு மாதம் வழங்கினால் குறைந்தது 30 ஆயிரம் கோடி ஓராண்டுக்கு ஆகும். ஒரு வருடத்திற்கு 6 சிலிண்டர் எனில் 4,500ல் இருந்து 5,000 கோடி எப்படி இதெல்லாம் சாத்தியம். பணம் எங்கிருந்து வரும். பால் விலை அதிகரிப்பார்களா? பெட்ரோல், டீசல் விலை உயர்த்துவார்களா? எப்படி செய்ய போறீங்க?

    இதற்கு பணம் எங்கிருந்து வரும்? என திமுகவும் கூறவில்லை. அதிமுகவும் கூறவில்லை. எங்கிருந்து செலவு செய்வர். என்றகனவே தமிழகத்தின் கடன் 5 லட்சத்து 70 ஆயிரம் கோடி. இதற்கெல்லாம் பணம் எங்கிருந்து வரும். கடனை அதிகரிக்கும். அரசின் வருவாய் இன்றைக்கு 3 லட்சம் கோடி. ஒவ்வொரு திட்டதிற்கும் 30 ஆயிரம் கோடி போட்டால் பணம் எங்கிருந்து வரும் .

    இரு கட்சிகளும் 50 வருடமாக ஆட்சி நடத்துகின்றனர். சினிமாவில் ஒரு டயலாக் வரும் ‘மனிதனை ஏமாற்ற வேண்டும் எனில் அவன் ஆசையை தூண்ட வேண்டும்’ அந்த ஆசையை தூண்டுறாங்க. சிறிய கட்சி அனுபவம் இல்லாமல் இவ்விதம் கூறுகிறது எனில் இதனை எடுத்துக்கொள்ளலாம். 50 ஆண்டு காலம் மாறி மாறி ஆட்சி செய்த கட்சிகளுக்கு இது தெரியாதா? தெரிந்து கொண்டு தான் மாறி மாறி இவ்விதம் அறிக்கைகளை விடுகின்றனறா? ரொம்ப வருத்தமாக உள்ளது.

    Must Read : சட்டமன்ற தேர்தலில் 36 தொகுதிகளில் போட்டி: சகாயம் ஐ.ஏ.எஸ். அறிவிப்பு

     

    ஒரு முறை இலவசம் கொடுங்கள். தவறில்லை. ஆனால் மாதம் மாதம் கொடுத்தால் அதற்காண பணம் எங்கிருந்து வருகின்றது என கூறிவிட்டு கொடுங்கள் என திமுக,அதிமுக தேர்தல் அறிக்கைகள் குறித்து தெரிவித்துள்ளார்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Sankaravadivoo G
    First published: