Home /News /tamil-nadu /

அபுதாபியில் மன்னர் குடும்பத்தைச் சேர்ந்த முதலீட்டாளர்களுடன் முதல்வர் ஸ்டாலின் இன்று சந்திப்பு

அபுதாபியில் மன்னர் குடும்பத்தைச் சேர்ந்த முதலீட்டாளர்களுடன் முதல்வர் ஸ்டாலின் இன்று சந்திப்பு

MK Stalin in Dubai | திரைகடலோடித் திரவியம் தேடும் தமிழ்ப் பண்பாட்டின் வழியே பயணித்து, மீண்டும் உங்களை சந்திக்கத் தாய்த் தமிழ்நாடு வருகிறேன்! - மு.க.ஸ்டாலின்

MK Stalin in Dubai | திரைகடலோடித் திரவியம் தேடும் தமிழ்ப் பண்பாட்டின் வழியே பயணித்து, மீண்டும் உங்களை சந்திக்கத் தாய்த் தமிழ்நாடு வருகிறேன்! - மு.க.ஸ்டாலின்

MK Stalin in Dubai | திரைகடலோடித் திரவியம் தேடும் தமிழ்ப் பண்பாட்டின் வழியே பயணித்து, மீண்டும் உங்களை சந்திக்கத் தாய்த் தமிழ்நாடு வருகிறேன்! - மு.க.ஸ்டாலின்

    அபுதாபியில் உள்ள மன்னர் குடும்பத்தைச் சேர்ந்த முதலீட்டாளர்களுடன் முதலமைச்சர் ஸ்டாலின் இன்று சந்திப்பு நடத்தவுள்ளார். இதைத் தொடர்ந்து லூலூ (LULU ) நிறுவனத்துடன் புரிந்துணர்வு ஒப்பந்தங்கள் கையெழுத்தாக உள்ளன.

    இதுதொடர்பாக தமிழக முதல்வர் மு.க.ஸ்டாலின் வெளியிட்டுள்ள அறிவிப்பில், அபுதாபியில் உள்ள மன்னர் குடும்பத்தைச் சேர்ந்த முதலீட்டாளர்களுடன் இன்று சந்திப்பு நடத்தவுள்ளேன். கேரளாவைச் சேர்ந்த மிகப் பெரிய தொழில் - வர்த்தக நிறுவனமான லூலு நிறுவனத்தாரைச் சந்தித்து, அவர்களுடன் மதிய உணவு விருந்தில் பங்கேற்கிறேன்.

    அமீரகப் பயணத்தில் மிகவும் உறுதுணையாக இருந்தவர் லூலூ குழுமத்தின் தலைவர் மற்றும் இயக்குநர் எம்.ஏ.யூசுப் அலி . தமிழ்நாட்டில் தனது நிறுவனத்தின் சார்பில் முதலீடுகளை செய்வதில் ஆர்வமாக உள்ள அவருடன் புரிந்துணர்வு ஒப்பந்தங்கள் கையெழுத்தாகின்றன.

    இதையும் படிங்க - மதுரையை சேர்ந்த புகைப்படக் கலைஞர் செந்தில் குமரனுக்கு சர்வதேச விருது… முதல்வர் ஸ்டாலின் பாராட்டு
     அதனைத் தொடர்ந்து, அபுதாபி தமிழ்ச் சங்கத்தின் சார்பில் அங்குள்ள தமிழ்ச் சொந்தங்களை சந்தித்து மகிழ்கிறேன்.


    இதையும் படிங்க - நீட் தேர்வில் 108, 109 மதிப்பெண் எடுத்தவர்களுக்கு எப்படி மருத்துவக் கல்லூரியில் இடம் கிடைக்கிறது- ராமதாஸ் காட்டம்

    தமிழர்கள் எங்கிருந்தாலும் அவர்களுக்கு அரணாக விளங்கும் அரசுதான், தமிழ்நாட்டை ஆளும் கழக அரசு. தமிழ்நாட்டின் வளர்ச்சிக்காக பல்வேறு நாடுகளிலிருந்தும் தொழில் முதலீடுகளை ஈர்ப்பதிலும் கழக அரசு முனைப்புடன் உள்ளது. அமீரகப் பயணம் அதற்கேற்ற வகையில் முழுமையான வெற்றியைத் தந்துள்ளது.

    கடல் கடந்து சென்றேன். கை நிறைய புரிந்துணர்வு ஒப்பந்தங்களையும் அதற்கேற்ற முதலீடுகளையும் பெற்றேன். திரைகடலோடித் திரவியம் தேடும் தமிழ்ப் பண்பாட்டின் வழியே பயணித்து, மீண்டும் உங்களை சந்திக்கத் தாய்த் தமிழ்நாடு வருகிறேன்!

    இவ்வாறு மு.க.ஸ்டாலின் தெரிவித்துள்ளார்.
    Published by:Musthak
    First published:

    Tags: MK Stalin

    அடுத்த செய்தி