அமைச்சராக பொறுப்பேற்ற உதயநிதி ஸ்டாலின் : வீடியோ காலில் வாழ்த்திய மகன் இன்பநிதி..!

தமிழ்நாடு அமைச்சராக உதயநிதி ஸ்டாலின் இன்று விளையாட்டு துறை அமைச்சராக பதவியேற்றார். ஆளுநர் மாளிகையில் உள்ள தர்பார் ஹாலில் காலை 9:30 மணிக்கு உதயநிதி அமைச்சராக பொறுப்பேற்ற விழா தொடங்கியது. தமிழக ஆளுநர் ஆர்.என்.ரவி பதவி பிரமாணமும் ரகசிய காப்பு பிரமாணமும் செய்து வைத்தார்.

இதன் பிறகு பிற அமைச்சர்கள், முதலமைச்சர் மற்றும் ஆளுநர் அவர்களுடன் புகைப்படம் எடுத்துக்கொண்ட உதயநிதி, முதல் கையெழுத்தாக 3 கோப்புகளில் கையெழுத்திட்டார்.

இதையும் படிக்க :  அமைச்சர் உதயநிதி ஸ்டாலின் போட்ட முதல் கையெழுத்து.. மூன்று முக்கிய கோப்புகள் என்னென்ன தெரியுமா?

இதன் பிறகு தாய் துர்கா ஸ்டாலின், மனைவி கிருத்திகா உள்ளிட்ட குடும்பத்தினர் வாழ்த்து தெரிவித்தனர். அப்போது அமைச்சர் உதயநிதியின் மகன் இன்பநிதி வீடியோ கால் மூலம் புதிதாக பொறுப்பேற்ற அமைச்சராக பொறுப்பேற்ற உதயநிதிக்கு வாழ்த்துகளை தெரிவித்தார். அமைச்சர் ஆன பிறகு அண்ணா, கருணாநிதி நினைவிடங்களில் மரியதை செலுத்தினார்.

ஸ்பெயினில் இருக்கும் இன்பநிதி, வீடியோ கால் மூலம் அமைச்சரான உதயநிதிக்கு வாழ்த்து தெரிவித்த அந்த வீடியோ வெளியாகி சமூகவலைதளங்களில் வைரலாகி வருகிறது.