Home /News /tamil-nadu /

"காலணி வீச்சு அரசியல் அநாகரிகத்தின் உச்சம்"... சீமான்

"காலணி வீச்சு அரசியல் அநாகரிகத்தின் உச்சம்"... சீமான்

இந்த இழிநிலையை மாற்றுவதற்கேனும் நாம் அதிகாரத்தை கைப்பற்ற வேண்டும்! - சீமான் சீற்றம்

இந்த இழிநிலையை மாற்றுவதற்கேனும் நாம் அதிகாரத்தை கைப்பற்ற வேண்டும்! - சீமான் சீற்றம்

'பாஜகவினரின் தரம் தாழ்ந்த போக்கு வன்மையான கண்டனத்திற்குரியது' - சீமான்

  • News18 Tamil
  • 1 minute read
  • Last Updated :
    தமிழ்நாடு நிதியமைச்சரை குறிவைத்து பாஜகவினர் நிகழ்த்தியுள்ள காலணி வீச்சு அரசியல் அநாகரிகத்தின் உச்சம் என நாம் தமிழர் கட்சியின் தலைமை ஒருங்கிணைப்பாளர் சீமான் தெரிவித்துள்ளார்.

    இதுதொடர்பாக அவர் தனது ட்விட்டர் பதிவில் கூறியதாவது, மாண்புமிகு தமிழ்நாடு நிதியமைச்சர் ஐயா பழனிவேல் தியாகராஜன் அவர்களை குறிவைத்து காலணி வீசியுள்ள பாஜகவினரின் அநாகரிகச்செயல் பெரும் அதிர்ச்சியளிக்கிறது. வட மாநிலங்களில் காலங்காலமாக கடைபிடித்துவரும் வன்முறை அரசியல் வெறியாட்டத்தை தமிழ்நாட்டிலும் மெல்ல மெல்ல நுழைக்க முயலும் பாஜகவினரின் தரம் தாழ்ந்த போக்கு வன்மையான கண்டனத்திற்குரியது.

    ALSO READ | மதுவை விற்று தான் ஆட்சியை நடத்தனுமா? அன்புமணி ராமதாஸ் சாடல்!

    இந்திய பெருநாட்டின் ஆகச்சிறந்த தேசப்பக்தர்களாக தங்களுக்கு தாங்களே தம்பட்டம் அடித்துக் கொள்ளும் பாஜகவினர், நாட்டிற்காக இன்னுயிர் இழந்த இராணுவ வீரருக்கு இறுதி மரியாதை செலுத்தும் இடத்தில் திட்டமிட்டு வீண்மோதலை தூண்டியிருப்பது வெட்கக்கேடானது.



    மாண்புமிகு தமிழ்நாடு நிதியமைச்சரை வழிமறித்து காலணி வீசியதன் மூலம் நிதியமைச்சரையும், தமிழ்நாடு அரசையும் மட்டும் பாஜக அவமதிக்கவில்லை. நாட்டிற்காக உயிர்நீத்த வீரரின் தியாகத்தையும் அற்ப அரசியலுக்காக பாஜக கொச்சைப்படுத்திவிட்டது என அந்த அறிக்கையில், சீமான் தெரிவித்துள்ளார்.
    Published by:Sankaravadivoo G
    First published:

    Tags: DMK, Seeman

    அடுத்த செய்தி