Home /News /tamil-nadu /

சிவகங்கையில் பார்மலின் கலந்த மீன்கள் விற்பனை - பொதுமக்கள் அதிர்ச்சி...

சிவகங்கையில் பார்மலின் கலந்த மீன்கள் விற்பனை - பொதுமக்கள் அதிர்ச்சி...

பார்மலின் கலந்த மீன்கள்

பார்மலின் கலந்த மீன்கள்

Sivagangai : சிவகங்கை வாரச்சந்தையில் உணவு பாதுகாப்பு துறை மற்றும் மீன்வளத்துறை அதிகாரிகள் மீன் விற்கும் பகுதிகளில் திடீர் ஆய்வு மேற்கொண்டனர். அப்போது ரசாயனம் கலந்த மீன்கள் விற்பனைக்கு வைக்கப்பட்டிருந்தது தெரியவந்தது.

  • News18
  • Last Updated :
சிவகங்கை அருகே பார்மலின் கலந்த 120 கிலோ மீன்களை உணவு பாதுகாப்புத் துறை அதிகாரிகள் பறிமுதல் செய்தனர்.

சிவகங்கை காந்தி வீதி பகுதியில் நகராட்சிக்கு சொந்தமான இடத்தில் வாரந்தோறும் புதன்கிழமை அன்று வாரச் சந்தை நடைபெறும். இங்கு பல்வேறு பகுதிகளில் இருந்து வந்து காய்கறிகள், மளிகை சாமான்கள் மற்றும் இறைச்சி மற்றும் மீன்கள் விற்கப்படுவது வழக்கம்.

இந்நிலையில் இங்கு விற்கப்படும் மீன்கள் அழுகிய நிலையில் இருப்பதாக கடந்த சில வாரங்களாக உணவு பாதுகாப்பு துறை அதிகாரிகளுக்கு புகார் வந்தது.

இதனைத் தொடர்ந்து நேற்று நடைபெற்ற வாரச்சந்தையில் உணவு பாதுகாப்பு துறை மற்றும் மீன்வளத்துறை அதிகாரிகள் மீன் விற்கும் பகுதிகளில் திடீர் ஆய்வு மேற்கொண்டனர்.

மேலும் அங்கு விற்பனைக்காக வைக்கப்பட்டிருந்த மீன்களின் தசைகளை ரசாயன பரிசோதனைக்கு உட்படுத்தினர். இதில் பார்மலின் என்னும் இறந்த உடல்கள் கெடாமல் இருக்க பயன்படுத்தப்படும் ரசாயனம் கலந்திருப்பது உறுதிசெய்யப்பட்டது.

Also read... வடகறிக்கு உப்பு அதிகமானதால் சமையல் மாஸ்டர் மீது கொதிக்கும் எண்ணெயை ஊற்றிய மேலாளர் கைது

இதனைத் தொடர்ந்து அதில் வைக்கப்பட்டிருந்த 120 கிலோ அளவிலான மீன்களை அதிகாரிகள் பறிமுதல் செய்ததுடன் வியாபாரிகளுக்கு எச்சரிக்கை விடுத்து நோட்டீசும் வழங்கிச் சென்றனர்.

வாரச்சந்தையில் 120 கிலோ அளவிலான பார்மலின் கெமிக்கல் கலந்த மீன்கள் உணவு பாதுகாப்பு துறையினரால் பறிமுதல் செய்யப்பட்ட சம்பவம் பெரும் பரபரப்பை ஏற்படுத்தி உள்ளது.
Published by:Vinothini Aandisamy
First published:

Tags: Fish, Sivagangai

அடுத்த செய்தி