சரவணபவன் ராஜகோபால் கவலைக்கிடம்: ட்ரீட்மெண்ட் பற்றி விளக்கம் கேட்கிறது நீதிமன்றம்

சரவணபவன் ராஜகோபால் கவலைக்கிடம்: ட்ரீட்மெண்ட் பற்றி விளக்கம் கேட்கிறது நீதிமன்றம்
  • Share this:
சரவணபவன் ராஜகோபாலை தனியார் மருத்துவமனையில் சேர்க்க அனுமதிக்க கோரிய வழக்கில், அவருக்கு வழங்கப்படும் சிகிச்சை குறித்து விளக்கமளிக்க அரசுத்தரப்புக்கு நாளை தாக்கல் செய்ய சென்னை உயர் நீதிமன்றம் உத்தரவிட்டுள்ளது.

பிரின்ஸ் சாந்தகுமார் கொலை வழக்கு குற்றவாளிகளில் ஒருவரான சரவணன் பவன் ராஜகோபாலுக்கு விதிக்கப்பட்ட ஆயுள் தண்டனையை உச்ச நீதிமன்றம் உறுதி செய்தது.

உடல்நிலை சரியில்லை என காரணம் கூறி சரணடைய அவகாசம் கோரி அவர் தாக்கல் செய்த மனுவை உச்ச நீதிமன்றம் ஜூலை 9ம் தேதி தள்ளுபடி செய்தது.


இதையடுத்து, அன்றைய தினமே தனியார் மருத்துவமனையிலிருந்து ஆம்புலன்சில் அழைத்து வரப்பட்ட அவர், சென்னை கூடுதல் அமர்வு நீதிமன்றத்தில் சரண்டைந்தார்.

அவரை சிறையில் அடைக்க உத்தரவிட்ட நிலையில், சென்னை ஸ்டான்லி மருத்துவமனையில் தண்டனைக் கைதிகளுக்கான பிரிவில் சிகிச்சை பெற்று வருகிறார்.

இந்நிலையில், ராஜகோபாலின் உடல்நிலை கவலைக்கிடமாக இருப்பதாக கூறப்பட்ட நிலையில், தனியார் மருத்துவமனையில் சேர்த்து சிகிச்சை அளிக்க அனுமதிக்க உத்தரவிடக்கோரி அவரது மகன் சரவணன் சென்னை உயர் நீதிமன்றத்தில் அவசர முறையீடு செய்தார்.இதுதொடர்பாக அவர் தாக்கல் செய்த மனுவை விசாரித்த நீதிபதிகள் எம்.எம்.சுந்தரேஷ், எம்.நிர்மல்குமார் அடங்கிய அமர்வு, ராஜகோபாலின் உடல் நல குறைபாடுகள் மற்றும் வழங்கப்படும் சிகிச்சைகள் குறித்து ஸ்டான்லி மருத்துவமனையில் தகவல்களைப் பெற்று விளக்கமளிக்க அரசுத்தரப்புக்கு உத்தரவிட்டு, விசாரணையை நாளைக்கு தள்ளிவைத்தது.
First published: July 15, 2019
மேலும் பார்க்க
அடுத்து செய்திகள்