• HOME
  • »
  • NEWS
  • »
  • tamil-nadu
  • »
  • கள்ளக்காதல் விவகாரத்தில் லாரி டிரைவரை தீர்த்துக்கட்டிய க்ளீனர் - திடுக்கிடும் தகவல்

கள்ளக்காதல் விவகாரத்தில் லாரி டிரைவரை தீர்த்துக்கட்டிய க்ளீனர் - திடுக்கிடும் தகவல்

லாரி டிரைவர் கொலை

லாரி டிரைவர் கொலை

லாரி ஓட்டுநர் கொலை வழக்கில் 17 வயது சிறுவனை கைது செய்த போலீஸார் சேலத்தில் உள்ள கூர்நோக்கு இல்லத்தில் ஒப்படைத்துள்ளனர்.

  • Share this:
மேட்டூர் அருகே லாரி ஓட்டுநர் கொலை வழக்கில் அதே லாரியின் கிளீனரான இருந்த  17 வயது சிறுவன் கைது செய்யப்பட்டுள்ளார். 

சேலம் மாவட்டம் , மேட்டூர் அருகேயுள்ள புதூர் பள்ளிக்கூடம் பகுதியை சேர்ந்தவர் செல்லவேல் ( வயது 36 ) லாரி டிரைவரான இவருக்கு  திருமணமாகவில்லை. இந்நிலையில் கடந்த 7 ம் தேதி இரவு 7.30 மணியளவில் , செல்லவேல் டூவீலரில் சென்றுள்ளார், மேல் காவிரி கிராஸ் பகுதியில் மேற்கு கரை கால்வாய் அருகே சென்ற போது , அவர் கத்தியால் குத்தி படுகொலை செய்யப்பட்டார். சத்தம் கேட்டு அருகில் இருந்தவர்கள்  சென்று பார்த்த போது,  கண்ணிமைக்கும் நேரத்தில் கொலையாளிகள் அங்கிருந்து தப்பிச்  சென்றது தெரியவந்தது . இதையடுத்து , சடலத்தை கைப்பற்றி மேட்டூர் போலீசார் தீவிர விசாரணை நடத்தி வந்தனர்.

செல்லவேலுக்கு, மேட்டூர் தங்கமாபுரிபட்டணம் பகுதியைச் சேர்ந்த ஆறுமுகம் மனைவி அழகம்மாள் ( 40 ) என்பவருடன் , ஓராண்டுக்கு முன்பு பழக்கம் ஏற்பட்டு கள்ளக்காதலாக மாறியதும், கணவரை பிரிந்த அழகம்மாள் , கடந்த 6 மாதத்திற்கு முன்பு , செல்லவேலுவுடன் ஒரே வீட்டில் குடும்பம் நடத்தி வந்ததும் போலீசாரின் முதற்கட்ட விசாரணையில் தெரியவந்தது.

Also Read: காதலனின் பிறப்புறுப்பை துண்டித்த யோகா ஆசிரியை..

கொலை சம்பவம் தொடர்பாக செல்லவேலின் கள்ளக்காதலி அழகம்மாளிடம் துருவி துருவி விசாரித்தனர். இதில் , திடுக்கிடும் தகவல் வெளியானது . அழகம்மாளுக்கு ஏற்கனவே சரவணன் , வேலு , ஆறுமுகம் , விக்கி என்ற 4 பேருடன் திருமணம் நடந்துள்ளது . இதில் சரவணனுடன் 3 குழந்தைகள் உள்ளனர் . விக்கியுடன் குடும்பம் நடத்தி வந்த அழகம்மாள் , கடந்த சில மாதங்களுக்கு முன்பு செல்லவேலுவுடன் ஏற்பட்ட பழக்கத்தால் , விக்கியை பிரிந்து வந்து செல்லவேலுவுடன் ஒரே வீட்டில் குடும்பம் நடத்தி வந்துள்ளார் .

இதனிடையே செல்லவேலு ஓட்டி வந்த லாரியில் கிளீனராக பணியாற்றிய மேட்டூர் காவிரி கிராஸ் அருகே உள்ள குண்டுகல்லூர் பகுதியைச் சேர்ந்த 17 வயது சிறுவனுடன் , அழகம்மாளுக்கு பழக்கம் ஏற்பட்டுள்ளது . செல்லவேலு இல்லாத போது இருவரும் தனிமையில் இருந்து வந்துள்ளனர் . தீபாவளிக்கு முதல் நாள் , அழகம்மாள் சிறுவனுடன் படுக்கையறையில் ஒன்றாக இருந்ததை செல்லவேல் நேரில் பார்த்து விட்டதால், இருவரையும் கண்டித்துள்ளார் . மேலும் உனது பெற்றோரிடம் சொல்லிவிடுவேன் எனவும் மிரட்டியுள்ளார் .

Also Read: பேஸ்புக் காதலன் மீது ஆசிட் வீசிய பெண் - விசாரணையில் வெளியான அதிர்ச்சி தகவல்

இதனையடுத்து தன்னை செல்லவேல் ஏதாவது செய்து விடுவாரோ என பயந்துபோன சிறுவன் , செல்லவேலை நோட்ட மிட்டு வழிமறித்து , கத்தியால் குத்தி கொலை செய்தது தெரியவந்தது.  17 வயது சிறுவனை , அவனது வீட்டில் சுற்றிவளைத்து கைது செய்த போலீசார், சிறுவனை சேலத்தில் உள்ள கூர்நோக்கு இல்லத்தில் ஒப்படைத்துள்ளனர்.

இந்த கொலையில் மேலும் யாருக்கேனும் தொடர்பு இருக்கலாம் என சந்தேகிக்கும் போலீசார் , சிறுவனின் செல்போனை கைப்பற்றி விசாரணை நடத்தி வருகின்றனர் . இந்த வழக்கில் , இன்னும் சில நாட்களில் மேலும் ஓரிருவர் பிடிபடலாம்  என போலீஸ் தரப்பில் கூறப்படுகின்றது.

 

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Ramprasath H
First published: