• HOME
  • »
  • NEWS
  • »
  • tamil-nadu
  • »
  • சேலத்தில் நாளை முதல் அனைத்து கடைகளும் 6 மணி வரை மட்டுமே திறக்க அனுமதி: புதிய கட்டுப்பாடுகள் விதித்து கலெக்டர் உத்தரவு

சேலத்தில் நாளை முதல் அனைத்து கடைகளும் 6 மணி வரை மட்டுமே திறக்க அனுமதி: புதிய கட்டுப்பாடுகள் விதித்து கலெக்டர் உத்தரவு

சேலத்தில் நாளை முதல் அனைத்து கடைகளும் 6 மணி வரை மட்டுமே திறக்க அனுமதி: புதிய கட்டுபாடுகள் விதித்து கலெக்டர் உத்தரவு

சேலத்தில் நாளை முதல் அனைத்து கடைகளும் 6 மணி வரை மட்டுமே திறக்க அனுமதி: புதிய கட்டுபாடுகள் விதித்து கலெக்டர் உத்தரவு

சேலத்தில் கடந்த இரண்டு நாட்களாக தொற்று அதிகரித்து வரும் நிலையில், மாவட்ட ஆட்சியர் கார்மேகம் புதிய கட்டுபாடுகளை அறிவித்துள்ளார். அதன்படி, நாளை முதல் வருகின்ற 23ஆம் தேதி வரை மாலை 6 மணி வரை மட்டுமே அனைத்து கடைகளை திறக்க அனுமதி அளிக்கப்பட்டுள்ளது.

  • Share this:
தமிழகத்தில் கொரோனா பெருந்தொற்று முதல் மற்றும் இரண்டாம் அலையில் ஏராளமானோர் பாதிக்கப்பட்டு பல்லாயிரக்கணக்கானோர் இறந்துள்ளனர். பெருந்தொற்றை கட்டுப்படுத்த தமிழக அரசு  பல்வேறு முயற்சிகள் எடுத்து பல கட்ட ஊரடங்கு மற்றும் தளர்வுகளுடன் கூடிய ஊரடங்கை அறிவித்து கொரோனாவை தீவிர முயற்சி எடுத்து கட்டுக்குள் கொண்டு வந்தது.

இந்த நிலையில் தற்போது பல்வேறு மாவட்டங்களில் அதிகரித்து வருவதால் தமிழக அரசு மேலும் இரண்டு வாரங்களுக்கு தளர்வுகளுடன் கூடிய ஊரடங்கை அறிவித்தது. குறிப்பாக தொற்று அதிகரித்துவரும் அந்தந்த மாவட்டங்களில் ஆட்சியர் ஊரடங்கை அறிவிக்கலாம் என்றும் தெரிவிக்கப்பட்டது.

Also read: திருமணமான ஒரே மாதத்தில் தோழியுடன் மாயமான கல்லூரி மாணவி- சென்னையில் மீட்பு...

இந்த நிலையில் சேலம் மாவட்டத்தில் கடந்த இரண்டு நாட்களாக கொரோனா பாதிப்பு அதிகரித்து வருகிறது. நேற்று 91 பேர் பாதிக்கப்பட்ட நிலையில், 5 பேர் உயிரிழந்துள்ளனர். இதுவரை சேலம் மாவட்டத்தில் மொத்தம் 835 பேர் சிகிச்சை பெற்று வருகின்றனர்.

தொற்று அதிகரித்து வருவதால் நாளை முதல் சேலம் மாவட்டத்தில் கொரானா பரவலைத் தடுக்க புதிய கட்டுப்பாடுகள் விதித்து சேலம் மாவட்ட ஆட்சியர் கார்மேகம் அறிவிப்பு வெளியிட்டுள்ளார்.

அதில், கொரானாவை கட்டுப்படுத்த நாளை முதல் 23ஆம் தேதி வரை மேலும் இரண்டு வாரங்களுக்கு ஊரடங்கு நீட்டிப்பு செய்துள்ளதாகவும், சேலம் மாவட்டத்தில் அதிக அளவில் மக்கள் ஒரே இடத்தில் கூடுவதை தவிர்க்கும் வகையில் வெள்ளி, சனி, ஞாயிறு ஆகிய மூன்று தினங்கள்  மத வழிபாட்டுத் தலங்களில்,  பொதுமக்கள் வழிபாட்டிற்கு தடை விதிக்கப்பட்டுள்ளதாகவும்,

சேலம் மாநகர் மற்றும் மாவட்டத்திலுள்ள மால்கள்,  ஜவுளி கடைகள், நகைக் கடைகள்,  சூப்பர் மார்க்கெட் உள்ளிட்ட  கடைகள் ஞாயிற்று கிழமைகளில் திறக்காக்கூடாது என்றும் மற்ற நாட்களில் மாலை 6 மணி வரை மட்டுமே செயல்படும் என்றும், இங்கு குளிர்சாதன வசதிகள் பயன்படுத்த கூடாது என்றும் மாவட்ட ஆட்சியர் கார்மேகம் அறிவிப்பு வெளியிட்டுள்ளார்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

அதேபோல் சேலம் மாநகரில் உள்ள செவ்வாய்பேட்டை மெயின்ரோடு, நாவலர் நெடுஞ்செழியன் சாலை, லாங்லி நோடு, பால் மார்க்கெட், லீபஜார், வீரபாண்டியார் நகர் ஆகிய பகுதிகளில் உள்ள அனைத்து கடைகளும்,  வ.உ.சி மார்க்கெட், சின்னகடை வீதி ஆகிய இடங்களில் செயல்படும் பூ , பழம் மற்றும் காய்கறி கடைகள் மாலை 6.00 மணி வரை மட்டுமே செயல்பட அனுமதிக்கப்படுகிறது.

மேலும் வார சந்தைகளான கொங்கணாபுரம் வாரச்  சந்தை, வீரகனூர் வாரசந்தை ஆகிய இரண்டு சந்தைகளுக்கும் தடை  விதித்திருப்பதாகவும், மேட்டூர் அணை பூங்கா வரும் 23-ஆம் தேதி வரை திறக்க தடை வைத்திருப்பதாகவும், ஏற்காட்டிற்கு சுற்றுலா பயணிகள் சனி மற்றும் ஞாயிறு தினங்களில் செல்ல தடை விதித்து இருப்பதாகவும் மற்ற தினங்களில் ஏற்காட்டிற்கு செல்வோர் தடுப்பூசி இரண்டு தவணைகளில் செலுத்தி அதற்கான சான்றிதழ், கொரோனா பரிசோதனை செய்து தொற்று இல்லை என்பதற்கான சான்றிதழ்களும் வைத்திருக்க வேண்டும் என்றும் அறிக்கையில் தெளிவுபடுத்தியுள்ளார்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Esakki Raja
First published: