ஹோம் /நியூஸ் /தமிழ்நாடு /

அண்ணியை கொலை செய்துவிட்டு கொழுந்தன் தற்கொலை.. சேலத்தில் அதிர்ச்சி சம்பவம்

அண்ணியை கொலை செய்துவிட்டு கொழுந்தன் தற்கொலை.. சேலத்தில் அதிர்ச்சி சம்பவம்

சேலம் கொலை சம்பவம்

சேலம் கொலை சம்பவம்

எடப்பாடி அருகே சொத்து தகராறில் அண்ணியை கொலை செய்துவிட்டு   தற்கொலை செய்துகொண்ட கொழுந்தன்...

  • News18 Tamil
  • 2 minute read
  • Last Updated :

எடப்பாடி அருகே அண்ணியை கொலை செய்து விட்டு கொழுந்தன் தற்கொலை செய்துக்கொண்ட சம்பவம் பரபரப்பை ஏற்படுத்தியுள்ளது.

சேலம் மாவட்டம் எடப்பாடி அருகேயுள்ள முப்பனூர் கிராமத்தை சேர்ந்தவர் கோவிந்தன் ( வயது 65 ) . இவரது மனைவி மாதேஸ்வரி ( வயது 55 ) . இவர்களுக்கு கணபதி ( வயது 35 ) என்ற மகன் உள்ளார் . கோவிந்தனின் தம்பி அண்ணாதுரை ( வயது 60 ) .இவரது மனைவி இறந்த நிலையில் , மகன் கோபால் என்பவருடன் தனியாக வசித்து வந்தார் .அண்ணன் கோவிந்தனுக்கும் , தம்பி அண்ணாதுரைக்கும் இடையே குடும்ப சொத்தான 40 சென்ட் விவசாய நிலத்தை பிரிப்பதில் தகராறு ஏற்பட்டு வந்தது . இதனால் , இரு குடும்பத்தினரும் சரியாக பேசாமல் அடிக்கடி தகராறில் ஈடுபட்டு வந்துள்ளனர்.

Also Read:  கள்ளக்காதலனுடன் உல்லாசம்.. கண்டித்த கணவனை தீர்த்துக்கட்டி நாடகமாடிய மனைவி கைது

இந்த நிலையில் நேற்று பிற்பகல் 3 மணியளவில் , பால் வாங்குவதற்காக மாதேஸ்வரி அங்குள்ள நகராட்சி தொடக்கப்பள்ளி அருகே சென்று கொண்டிருந்தார் . அப்போது கொழுந்தன் அண்ணாதுரை , கையில் அரிவாளுடன் வந்துள்ளார் . அவர் திடீரென அண்ணி மாதேஸ்வரியை சரமாரியாக வெட்டி வீசினார் . இதில் , தலையில் பலத்த வெட்டுக்காயம் விழுந்ததில் , ரத்த வெள்ளத்தில் சம்பவ இடத்திலேயே மாதேஸ்வரி துடிதுடித்து இறந்தார் . இச்சம்பவத்தை பார்த்த அவ்வழியே வந்தவர்கள் , அலறியடித்துக் கொண்டு ஓடினர் .

அண்ணியை வெட்டி கொலை செய்த அண்ணாதுரை , தனது வீட்டிற்கு சென்று தென்னை மரத்திற்கு வைக்கப்படும் பூச்சிக் கொல்லி மாத்திரைகளை சாப்பிட்டுள்ளார் .இதனிடையே இக்கொலை பற்றி தகவல் அறிந்த எடப்பாடி  போலீசார் சம்பவ இடம் சென்றனர் . அவர்கள் , கொலையுண்ட மாதேஸ்வரியின் சடலத்தை கைப்பற்றினர். தொடர்ந்து கொலையில் ஈடுபட்ட அண்ணாதுரையை பிடிக்க அவரது வீட்டிற்கு சென்றனர் . அங்கு அவர் , விஷ மாத்திரை சாப்பிட்டதில் மயங்கி கிடந்ததால் அவரை மீட்டு எடப்பாடி அரசு மருத்துவமனைக்கு அனுப்பி வைத்தனர் . அங்கு மருத்துவர்கள் பரிசோதித்து பார்த்துவிட்டு , அண்ணாதுரை இறந்து விட்டதாக தெரிவித்தனர்.

Also Read: கள்ளத்தொடர்பை கைவிட மறுத்த கணவன்.. மிளகாய் பொடி தூவி அடித்துக்கொன்ற மனைவி

இதையடுத்து அண்ணாதுரையின் உடல் பிரேதப் பரிசோதனை கூடத்திற்கு அனுப்பப்பட்டது. கொலையுண்ட மாதேஸ்வரியின் சடலத்தையும் பிரேதப் பரிசோதனைக்கு அனுப்பினர் . மேலும் , சம்பவ இடத்திற்கு டிஎஸ்பி ஆரோக்கியராஜ் நேரில்  வந்து விசாரித்தார்.போலீசாரின் முதற்கட்ட விசாரணையில் , 40 சென்ட் நிலத்தை பிரிப்பதில் கடந்த 10 ஆண்டுகளாக அண்ணன் , தம்பியான கோவிந்தனுக்கும் , அண்ணாதுரைக்கும் இடையே தகராறு இருந்து வந்துள்ளது.

இது தொடர்பாக அவ்வப்போது அண்ணாதுரை , அண்ணன் குடும்பத்தாரிடம் தகராறில் ஈடுபட்டு வந்ததும் தெரியவந்தது . அந்த தகராறு முற்றிய நிலையில் , அண்ணி மாதேஸ்வரியை வெட்டிக் கொன்று விட்டு , இனி தன்னால் சிறையில் வாழ முடியாது எனக் கருதி அண்ணாதுரை தற்கொலை செய்துகொண்டுள்ளார் என போலீஸ் தரப்பில் தெரிவிக்கப்பட்டது. இக்கொலை மற்றும் தற்கொலை சம்பவம் அப்பகுதியில் பெரும் பரபரப்பை ஏற்படுத்தியுள்ளது .

First published:

Tags: Commit suicide, Crime News, Death, Murder, Police, Salem