Home /News /tamil-nadu /

வானதி சீனிவாசன் மகன் சென்ற கார் சேலத்தில் விபத்து..

வானதி சீனிவாசன் மகன் சென்ற கார் சேலத்தில் விபத்து..

வானதி சீனிவாசன் மகன் சென்ற கார் விபத்து

வானதி சீனிவாசன் மகன் சென்ற கார் விபத்து

மேம்பாலத்தின் தடுப்பு சுவர் மீது வானதி சீனிவாசன் மகன் சென்ற கார் விபத்தில் சிக்கியது.

    சேலத்தில் கோவை தெற்கு சட்டமன்ற உறுப்பினர் வானதி சீனிவாசன் மகன் சென்ற கார் மேம்பால தடுப்பு சுவர் மீது மோதி, தலைகீழாக கவிழ்ந்து விபத்து. அதிர்ஷ்டவசமாக எந்தவித காயங்களுமின்றி உயிர் தப்பினார்.

    கோவை தெற்கு தொகுதி சட்டமன்ற உறுப்பினர் வானதி சீனிவாசன் மகன் ஆதர்ஸ்(22) நேற்று நள்ளிரவு கோயம்புத்தூரில் இருந்து சென்னைக்கு கார் மூலமாக சென்று கொண்டிருந்தாா். அப்போது கொண்டலாம்பட்டி பகுதியில் உள்ள பட்டர்பிளை மேம்பாலத்தின் வழியாக அதிவேகமாக வந்துபோது, மேம்பாலத்தின் தடுப்பு சுவர் மீது கார் மோதியது.இதனால் கட்டுப்பாட்டை இழந்து கார் தலைகீழாக கவிழ்ந்து, சிறிது தூரத்துக்கு இழுத்துச் சென்றதால் கார் கடும் சேதமடைந்தது.

    இதனையடுத்து அன்னதானப்பட்டி காவல்துறையினருக்கு தகவல் தெரிவிக்கப்பட்டது. அப்போது விபத்து நடந்த இடத்திற்கு விரைந்து வந்த காவல்துறையினர் ஆதர்சை மீட்டனர்.இந்த விபத்தில் அதிர்ஷ்டவசமாக எந்தவித காயமும் இன்றி உயிர் தப்பினர்.பின்னர் விபத்துக்குள்ளாகிய காரை சாலையிலிருந்து அப்புறப்படுத்தினர். அப்போது தகவலறிந்து வந்த பாஜக நிர்வாகிகள் கோவை தெற்கு சட்டமன்ற உறுப்பினரின் மகன் ஆதர்சை மற்றொரு காரில் சென்னைக்கு அனுப்பி வைத்தனர்.

    செய்தியாளர்: திருமலை தமிழ்மணி

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
    Published by:Ramprasath H
    First published:

    Tags: Accident, BJP, News On Instagram, Tamilnadu, Vanathi srinivasan

    அடுத்த செய்தி