ஹோம் /நியூஸ் /தமிழ்நாடு /

சிறார் வழக்குகளுக்கு விதிமுறைகள் - தமிழக அரசிடம் ஐகோர்ட் கருத்துகேட்பு!

சிறார் வழக்குகளுக்கு விதிமுறைகள் - தமிழக அரசிடம் ஐகோர்ட் கருத்துகேட்பு!

சிறார் வழக்குகளுக்கு விதிமுறைகள்

சிறார் வழக்குகளுக்கு விதிமுறைகள்

Madras High Court | குறைந்தது ஏழு ஆண்டுகளுக்கு மேல் தண்டனை விதிக்க வகை செய்யும் சட்டப்பிரிவுகளின் கீழ் குற்றம் இழைத்திருந்தால் மட்டுமே வழக்குப்பதிவு செய்யவேண்டும் என சிறார் நீதி சட்டத்தில் கூறியுள்ள நிலையில், மாணவனை கைது செய்தது குறித்து அதிருப்தி தெரிவித்த நீதிபதிகள்.

மேலும் படிக்கவும் ...
  • News18 Tamil
  • 2 minute read
  • Last Updated :
  • Chennai, India

சிறார் சம்பந்தப்பட்ட வழக்குகளை கையாள்வது தொடர்பாக விதிமுறைகள் வகுக்க முடிவு செய்துள்ள சென்னை உயர் நீதிமன்றம் இதுகுறித்து கருத்து தெரிவிக்கும்படி தமிழக அரசுக்கு அறிவுறுத்தியுள்ளது.

கடலூர் மாவட்டம், சிதம்பரத்தில் 16 வயது மாணவிக்கு, சக மாணவர் ஒருவர் மஞ்சள் கயிற்றை கட்டுவது போன்ற காட்சிகள், சமூக வலைதளத்தில் பரவியது. இதுதொடர்பாக  மாணவனுக்கு எதிராக சிதம்பரம் நகர போலீசார் வழக்குப்பதிவு செய்தனர். அதேபோல், மாவட்ட குழந்தைகள் நலக்குழு, மாணவியை அரசு காப்பகத்தில் சேர்த்தது.

இதையடுத்து, மாணவியை மீட்கக்கோரி மாணவியின் தந்தை தாக்கல் செய்த  ஆட்கொணர்வு மனுவை  விசாரித்த சென்னை உயர்நீதிமன்றம், மாணவியை  உடனடியாக விடுவித்து பெற்றோரிடம் ஒப்படைக்க உத்தரவிட்டதுடன், மாணவனுக்கு எதிராக பதிவு செய்யப்பட்ட வழக்கில் எடுத்த நடவடிக்கைகள் குறித்து அறிக்கை  போலீசாருக்கு உத்தரவிட்டிருந்தது.

இதையும் படிங்க : லட்சங்களில் லோன் தருவதாக மோசடி.. 2 பெண்கள் உட்பட 4 பேர் கைது.. சென்னையில் அதிர்ச்சி சம்பவம்

இந்த வழக்கு நீதிபதிகள் பி.என்.பிரகாஷ் மற்றும் டீக்காராமன் அமர்வில் இன்று மீண்டும் விசாரணைக்கு வந்தது. அப்போது, கைது செய்யப்பட்ட மாணவன், சிறார் நீதிக் குழுமத்தில் ஆஜர்படுத்தப்பட்டு, சீர்திருத்த பள்ளியில் அடைக்கப்பட்டதாகவும், தற்போது அவரும் விடுவிக்கப்பட்டு விட்டதாகவும் காவல் துறை தரப்பில் அறிக்கை தாக்கல் செய்யப்பட்டது.

குறைந்தது ஏழு ஆண்டுகளுக்கு மேல் தண்டனை விதிக்க வகை செய்யும் சட்டப்பிரிவுகளின் கீழ் குற்றம் இழைத்திருந்தால் மட்டுமே வழக்குப்பதிவு செய்யவேண்டும் என சிறார் நீதி சட்டத்தில் கூறியுள்ள நிலையில், மாணவனை கைது செய்தது குறித்து அதிருப்தி தெரிவித்த நீதிபதிகள், சிறார் சம்பந்தப்பட்ட வழக்குகளை கையாள்வது தொடர்பாக விதிமுறைகள் வகுக்க வேண்டும் எனத் தெரிவித்தனர்.

மேலும், இந்த விவகாரத்தில்  நீதிமன்றத்துக்கு உதவியாக வழக்கறிஞர் இ.வி.சந்துருவை நியமித்து, இதுசம்பந்தமான உச்ச நீதிமன்ற உத்தரவுகளை குறிப்பிட்டு கருத்துக்களை, இரு வாரங்களில் அறிக்கையாக தாக்கல் செய்ய அறிவுறுத்தினர்.

இதையும் படிங்க : தங்கத்தை ஸ்பிரிங் போல் சூட்கேஸில் மறைத்து கடத்தல்.. சென்னையில் சிக்கிய ரூ.1 கோடி மதிப்பிலான தங்கம்

அதேபோல, இது சம்பந்தமாக கருத்துக்களைப் பதில் மனுவாக தாக்கல் செய்யும்படி, தமிழக உள்துறை செயலாளர், சுகாதார துறை செயலாளர், மகளிர் நலன் துறை செயலாளருக்கு உத்தரவிட்ட நீதிபதிகள், விசாரணையை இரண்டு வாரங்களுக்கு தள்ளிவைத்தனர்.

Published by:Karthi K
First published:

Tags: Madras High court