ஹோம் /நியூஸ் /தமிழ்நாடு /

மகளிருக்கு ரூ.2749 கோடி மதிப்பிலான கடன்... முதல்வர் ஸ்டாலின் தொடக்கம்

மகளிருக்கு ரூ.2749 கோடி மதிப்பிலான கடன்... முதல்வர் ஸ்டாலின் தொடக்கம்

மு.க.ஸ்டாலின்

மு.க.ஸ்டாலின்

 திருவள்ளூர் மாவட்டம் திருத்தணியில் மகளிர் சுய உதவி குழுக்களுக்கு, சட்டப்பேரவையில் அறிவித்தபடி முதல் கட்டமாக ரூ.2749 கோடியே 85 லட்சம் மதிப்பிலான கடன் உதவிகளை தமிழக முதல்வர் மு.க.ஸ்டாலின் இன்று தொடங்கி வைத்தார்.

  • News18 Tamil
  • 2 minute read
  • Last Updated :

2021-2022 நிதி ஆண்டில் சட்டப்பேரவையில் மகளிர் சுய உதவிக் குழுக்களுக்கு 20 ஆயிரம் கோடி கடன் உதவி அளிக்கப்படும் என அறிவிக்கப்பட்டது.  தமிழகம் முழுவதும் உள்ள 58,463 மகளிர் சுய உதவி குழுக்களைச் சேர்ந்த 7,56,142 மகளிர் சுய உதவிக் உறுப்பினர்களுக்கு ரூபாய் 2749 கோடி 85 லட்சம் மதிப்பிலான கடன் உதவிகளை தமிழக முதல்வர் மு.க.ஸ்டாலின்  இன்று  தொடங்கி வைத்தார்.

தமிழ்நாடு மாநில ஊரக வாழ்வாதார இயக்கத்தின் கீழ் 52,574 மகளிர் சுய உதவி குழுக்களைச் சேர்ந்த 6 லட்சத்து 83 ஆயிரத்து 462 பயனாளிகளுக்கு தேசியமமாக்கப்பட்ட வங்கிகள் ,கூட்டுறவு வங்கிகள் மற்றும் தொடக்க வேளாண்மை கூட்டுறவு சங்கங்கள் மூலம் 2,485.96 கோடி வங்கி கடன் மற்றும் 30 இ- சேவை மையங்கள் துவக்கி வைத்து 30 பயனாளிகளுக்கு உரிமம் வழங்கினார்.

அதேபோன்று சுயதொழில் தொடங்க தொழில் கடனாக நகர்ப்புற பகுதியைச் சேர்ந்த 931 மகளிர் சுய உதவிக் குழுக்களுக்கு ரூ.26.60 கோடியும் 1381 தனிநபர்களுக்கு 16 கோடியே 9 லட்சமும். 4,702 நகர்ப்புற சுய உதவிக் குழுக்களைச் சேர்ந்த 57,451 பயனாளிகளுக்கு தொழில் துவங்கிட வங்கி கடனாக 219 கோடியே 37 லட்சமும் வழங்கப்பட்டது.

Also Read : சாத்தான்குளம் தந்தை, மகன் மரண வழக்கை முடிக்க எத்தனை காலம் ஆகும்? - சென்னை உயர்நீதிமன்றம் கேள்வி

 இதேப் போன்று ஊரகப் புத்தாக திட்டத்தின்கீழ் ஊரகப் பகுதிகளில் பாரம்பரிய மற்றும் அதிக வருமானம் தரும் தொழில்களில் திறன் அனுபவம் வாய்ந்த நபர்களை கொண்டு இளைஞர்களுக்கு பயிற்சி அளித்து வேலை வாய்ப்பினை பெற்று தர, முதல்கட்டமாக 69 சமுதாயத் திறன் பள்ளிகள் தொடங்க 66 லட்சம் மற்றும் உற்பத்தியாளர் குழுக்களுக்கு வேளாண் மற்றும் கால்நடை வளர்ப்பில் உள்ள திறன் இடைவெளியை கண்டறிந்து தேவையான தொழில்நுட்ப பயிற்சிகளும் உற்பத்தி செலவினைக் குறைத்து, வருமானத்தை பெருக்கிடும் பயிற்சிகளும் வழங்க 37 சமுதாய பண்ணை பள்ளிகள் துவங்க 26 லட்சம் உற்பத்தியாளர் குழுக்களுக்கான துவக்க நிதியாக 90 குழுக்களுக்கு 68 லட்சம் மற்றும் தொழில் குழுக்களுக்கான துவக்க நிதியாக 37 குழுக்களுக்கு 26 லட்சம் வழங்கப்பட்டது.

இந்த நிகழ்ச்சியின் போது முதல்வர் ஸ்டாலின் மகளிர் சுய உதவிக் குழுவினருக்கு சுழல் நிதி வழங்கும் மேடையில் இருந்து தருமபுரி திருவண்ணாமலை உள்ளிட்ட சிறுதொழில் செய்யும் மகளிருடன் வீடியோ கான்பரன்சில் கலந்துரையாடினார்.

First published:

Tags: DMK, MK Stalin