ஹோம் /நியூஸ் /தமிழ்நாடு /

மாநிலங்களவைத்‌ தேர்தல்‌: அதிமுகவுக்கு ஆதரவு தெரிவித்த பாமக!

மாநிலங்களவைத்‌ தேர்தல்‌: அதிமுகவுக்கு ஆதரவு தெரிவித்த பாமக!

மாநிலங்களவைத்‌ தேர்தல்‌: அதிமுகவுக்கு ஆதரவு தெரிவித்த பாமக!

மாநிலங்களவைத்‌ தேர்தல்‌: அதிமுகவுக்கு ஆதரவு தெரிவித்த பாமக!

அதிமுகவின்‌ கோரிக்கை குறித்து கட்சியின்‌ மூத்த நிர்வாகிகளுடன்‌ மருத்துவர்‌ அய்யா‌, நடத்திய கலந்தாய்வில்‌, அதிமுக வேட்பாளர்களை ஆதரிப்பது என ஒருமனதாக முடிவு செய்யப்பட்டது.

  • News18 Tamil
  • 1 minute read
  • Last Updated :

மாநிலங்களவைத்‌ தேர்தலில் அதிமுகவுக்கு பாமக ஆதரவு தெரிவிப்பதாக அக்கட்சியின் தலைவர் ஜி.கே.மணி தெரிவித்துள்ளார்.

தமிழ்நாட்டில் 6 மாநிலங்களவை உறுப்பினர்கள் இடங்களுக்கு வரும் ஜூன் 10ம் தேதி தேர்தல் நடைபெற உள்ளது. மாநிலங்களவை உறுப்பினர்களுக்கான தேர்தலில் வரும் 24-ஆம் தேதி முதல் மே 31-ஆம் தேதி வரை வேட்புமனு தாக்கல் செய்யலாம் என்று தலைமை தேர்தல் அதிகாரி தெரிவித்திருந்தார்.

இதனிடைய, மாநிலங்களவை உறுப்பினர் தேர்தலில் போட்டியிடும் திமுக வேட்பாளர்கள் அறிவிக்கப்பட்டது. அதில், 6 மாநிலங்களவை உறுப்பினர்களுக்கான தேர்தலில் திமுக கூட்டணிக்கான 4 இடங்களில், காங்கிரசுக்கு ஒரு இடம் ஒதுக்கீடு செய்யப்பட்டுள்ளது. மற்ற 3 இடங்களில் திமுக வேட்பாளர்களான சு.கல்யாணசுந்திரம், கே.ஆர்.என்.ராஜேஷ்குமார், இரா.கிரிராஜன் ஆகியோர் போட்டியிடுவார்கள் என அறிவிக்கப்பட்டது.

இந்நிலையில், மாநிலங்களவைத்‌ தேர்தலில் அதிமுகவுக்கு பாமக ஆதரவு தெரிவிப்பதாக அக்கட்சியின் தலைவர் ஜி.கே.மணி தெரிவித்துள்ளார்.

இதுதொடர்பாக ஜி.கே.மணி வெளியிட்டுள்ள அறிக்கையில், பாமக நிறுவனர்‌ மருத்துவர்‌ அய்யாவை அதிமுக மாவட்ட செயலாளர்களும்‌, முன்னாள்‌ அமைச்சர்களுமான சி.வி.சண்முகம்‌, கே.பி.அன்பழகன்‌, எம்‌.சி.சம்பத்‌ உள்ளிட்டோர்‌ அடங்கிய அதிமுக நிர்வாகிகள்‌ குழு இன்று காலை தைலாபுரம்‌ தோட்டத்தில்‌ சந்தித்து பேசினார்கள்‌.

Also read... கருணாநிதிக்கு சிலை வைக்க தடை.. திருவண்ணாமலை ஆட்சியர் பதில் மனுவால் உயர்நீதிமன்றம் அதிருப்தி..

தமிழ்நாட்டிலிருந்து மாநிலங்களவைக்கு 6 உறுப்பினர்களை தேர்ந்தெடுப்பதற்காக அடுத்த மாதம்‌ நடைபெற

உள்ள தேர்தலில்‌ அதிமுக வேட்பாளர்களுக்கு பாமக‌வின்‌ ஆதரவைக்‌ கோரி அதிமுகவின்‌ ஒருங்கிணைப்பாளர்‌ ஓ.பன்னீர்செல்வம்‌, இணை ஒருங்கிணைப்பாளர்‌ எடப்பாடி பழனிச்சாமி ஆகியோர்‌ எழுதிய

கடிதத்தை மருத்துவர்‌ அய்யாவிடம்‌ ஒப்படைத்தனர்‌. மாநிலங்களவைத்‌ தேர்தலில்‌ அதிமுக சார்பில்‌

போட்டியிடும்‌ வேட்பாளர்களுக்கு ஆதரவளிக்க வேண்டும்‌ என்று அதிமுக குழுவினரும்‌ கேட்டுக்‌ கொண்டனர்‌.

அதிமுகவின்‌ கோரிக்கை குறித்து கட்சியின்‌ மூத்த நிர்வாகிகளுடன்‌ மருத்துவர்‌ அய்யா‌, நடத்திய கலந்தாய்வில்‌, அதிமுக வேட்பாளர்களை ஆதரிப்பது என ஒருமனதாக முடிவு செய்யப்பட்டது. அதன்படி. வரும்‌ மாநிலங்களவைத்‌ தேர்தலில்‌ அதிமுகவுக்கு பாட்டாளி மக்கள்‌ கட்சி ஆதரவளிக்கும்‌ என்பதை

மருத்துவர்‌ அய்யா, மருத்துவர்‌ அன்புமணி இராமதாஸ்‌ ஆகியோரின்‌ ஒப்புதலுடன்‌ தெரிவித்துக்‌ கொள்கிறேன்‌. இவ்வாறு அவர் தெரிவித்துள்ளார்.

First published:

Tags: ADMK, PMK, Rajya sabha MP