"ஆரோக்யம், மன நிம்மதியுடன் இருந்து மக்கள் சேவை செய்ய வாழ்த்துகள்" - மு.க.ஸ்டாலினுக்கு வாழ்த்து தெரிவித்த ரஜினிகாந்த்

முதலமைச்சர் மு.க.ஸ்டாலினுக்கு நடிகர் ரஜினிகாந்த் பிறந்தநாள் வாழ்த்து கூறியுள்ளார்.

முதலமைச்சர் ஸ்டாலினின் நாளை தனது 70வது பிறந்தநாளை கொண்டாடவிருக்கிறார். இதையொட்டி பிரபலங்கள், அரசியல் தலைவர்கள், தொண்டர்கள்  என பலரும் அவருக்கு வாழ்த்துகளை பகிர்ந்து வருகிறார்கள். அந்தவகையில் நடிகர் ரஜினிகாந்த் முதலமைச்சர் மு.க.ஸ்டாலினுக்கு பிறந்தநாள் வாழ்த்து கூறி வீடியோ வெளியிட்டுள்ளார்.

#Rajinikanth wishes Tamilnadu CM #MKStalin pic.twitter.com/34YNQUeAC2

— Senthilraja R (@SenthilraajaR) February 28, 2023

அந்த வீடியோவில், ” வணக்கம்! என்னுடைய இனிய நண்பர்,  தமிழ்நாடு முதலமைச்சர் மு.க ஸ்டாலின்  நீண்டநாள் நல்ல ஆரோக்கியத்துடன் மன நிம்மதியுடன் மக்கள் சேவை செய்ய வேண்டும் என்று அவருடைய 70வது பிறந்தநாளில் மனதார வாழ்த்துகிறேன்.” என தெரிவித்துள்ளார்.