ஹோம் /நியூஸ் /தமிழ்நாடு /

மாணவியை ரயிலில் தள்ளி கொலை : இளைஞர் நள்ளிரவில் கைது!

மாணவியை ரயிலில் தள்ளி கொலை : இளைஞர் நள்ளிரவில் கைது!

பரங்கிமலை ரயில் நிலையம்

பரங்கிமலை ரயில் நிலையம்

ரயில் நிலையத்தில் ஓடும் ரயிலில் கல்லூரி மாணவியை தள்ளி கொலை செய்த வழக்கில் சதீஷை தனிப்படை போலீசார் கைது செய்தனர்.

  • News18 Tamil
  • 1 minute read
  • Last Updated :
  • Tamil Nadu, India

சென்னை பரங்கிமலை ரயில் நிலையத்தில் சக மாணவியுடன் ஏற்பட்ட தகராறு காரணமாக மாணவியை ரயிலில் இருந்து தள்ளி கொலை செய்த சம்பவம் பெரும் பரபரப்பை ஏற்படுத்தியுள்ள நிலையில், இந்த வழக்கின் குற்றவாளியான சதீஷ் என்பவர் நள்ளிரவில் கைது செய்யப்பட்டுள்ளார்.

சென்னை கிண்டியை அடுத்துள்ள ஆதம்பாக்கம் பகுதியை சேர்ந்தவர் சந்தியா (20). தனியார் கல்லூரியில் இரண்டாம் ஆண்டு படித்து வரும் சந்தியாவுக்கு அதே பகுதியை சேர்ந்த சதீஷ் என்ற இளைஞர் காதல் தொல்லை கொடுத்துவந்ததாக கூறப்படுகிறது. சதீஷூம் அதே கல்லூரியில் படித்து வந்த நிலையில், நேற்று சந்தியாவிடம் பேசுவதற்காக அவரை பரங்கிமலை ரயில்வே ஸ்டேஷனில் சந்தித்துள்ளார். அப்போது இருவருக்கும் இடையே வாக்குவாதம் ஏற்பட்டுள்ளது. இதனால் ஆத்திரமடைந்த சதீஷ் திடீரென சந்தியாவை அந்த வழியாக வந்த மின்சார ரயிலில் தள்ளியுள்ளார்.

இதில் மின்சார ரயிலில் மோதி பலத்த காயமடைந்த சந்தியா தலை நசுங்கி சம்பவ இடத்திலேயே உயிரிழந்துள்ளார். இதையடுத்து பயந்துபோன சதீஷ் அங்கிருந்து தப்பி ஓடிவிட்டார். இதனைத் தொடர்ந்து சம்பவ இடத்திற்கு வந்த ரயில்வே போலீசார், அப்பகுதி போலீசாருக்கு தகவல் தெரிவித்துள்ளனர்.

கல்லூரி மாணவியை ஓடும் ரயிலில் தள்ளிவிட்டு கொலை செய்த இளைஞர்.. பரங்கிமலை ரயில் நிலைத்தில் பரபரப்பு!

இதனைத் தொடர்ந்து சம்பவ இடத்திற்கு வந்த போலீசார் சந்தியாவின் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். தொடர்ந்து இது தொடர்பாக வழக்கு பதிவு செய்த போலீசார், தப்பி ஓடிய சதீஷை பிடிக்க  தனிப்படை அமைத்து தீவிரமாக தேடி வந்தனர். இந்நிலையில் சென்னை துரைபாக்கத்தில் பதுங்கியிருந்த சதீஷை போலீசார் கைது  விசாரணை மேற்கொண்டு வருகின்றனர்.

First published: