'மதுபாட்டில் தரவில்லை என்றால் கழுத்தை அறுத்து விடுவேன்'.. மிரட்டல் விடுத்த ரவுடி கைது

புதுக்கோட்டையில் உள்ள எலைட் பாரில் காசாளராக பணிபுரிபவரின் கழுத்தில் கத்தியை வைத்து மிரட்டி மதுபானம் கேட்டதோடு அவர் சட்டைப்பையில் வைத்திருந்த 2 ஆயிரம் ரூபாய் பணத்தை எடுத்துச் சென்ற கொலை மற்றும் கொள்ளை வழக்கில் தொடர்புடைய பாஸ்கர் என்பவரை போலீசார் கைது செய்தனர்.

புதுக்கோட்டை நகர பகுதிக்கு உட்பட்ட டிவிஎஸ் கார்னர் அருகே எலைட் பார் செயல்பட்டு வருகின்றது. இந்நிலையில் பார் மூடும் நேரத்தில் அந்த எலைட் பாருக்கு சென்ற பூங்கா நகர் பகுதியைச் சேர்ந்த கொலை மற்றும் கொள்ளை வழக்கில் தொடர்புடைய பாஸ்கர் என்பவர் அந்த பாரில் காசாளராக பணிபுரியும் ஐயப்பன் என்பவரிடம் மதுபானம் கேட்ட நிலையில் கடை மூடிய பிறகு மதுபானம் கேட்டால் எப்படி கொடுப்பது என்று ஐயப்பன் கூறியதையடுத்து பாஸ்கர் அவர் கையில் வைத்திருந்த கத்தியை ஐயப்பன் கழுத்தில் வைத்து மதுபாட்டில் தரவில்லை என்றால் கழுத்தை அறுத்து விடுவேன் நான் ஏற்கனவே பல கொலை வழக்கில் தொடர்புடையவர் என்று மிரட்டியதோடு ஐயப்பன் சட்டைப்பையில் வைத்திருந்த 2000 ரூபாய் பணத்தை எடுத்து விட்டு பாஸ்கர் அங்கிருந்து தப்பிச் சென்றுள்ளார்.

ALSO READ |  கண்மூடித்தனமாக தாக்கிக் கொள்ளும் பள்ளி மாணவர்கள்.. பழனி பேருந்து நிலையம் அருகே பரபரப்பு

செய்தியாளர் : ர.ரியாஸ்