Home /News /tamil-nadu /

ஆயுர்வேத மருத்துவ படிப்பு: காலி இடங்களை நிர்வாக ஒதுக்கீட்டின் கீழ் கல்லூரிகள் நிரப்புவதில் தவறில்லை - நீதிமன்றம்

ஆயுர்வேத மருத்துவ படிப்பு: காலி இடங்களை நிர்வாக ஒதுக்கீட்டின் கீழ் கல்லூரிகள் நிரப்புவதில் தவறில்லை - நீதிமன்றம்

சென்னை உயர்நீதிமன்றம்

சென்னை உயர்நீதிமன்றம்

Ayurveda Studies: ஆயுர்வேத படிப்புகளுக்கான மாணவர் சேர்க்கைக்காக நடத்தப்பட்ட கவுன்சிலிங் மூலம் நிரப்பப்படாமல் காலியாக இருந்த இடங்களை சில தனியார் மருத்துவ கல்லூரிகள் தாமாக முன்வந்து நிரப்பின.

  • News18
  • Last Updated :
ஆயுர்வேத மருத்துவ படிப்புகளில் கவுன்சிலிங் மூலம் நிரப்பப்படாமல் உள்ள காலி இடங்களை நிர்வாக ஒதுக்கீட்டின் கீழ் தனியார் கல்லூரிகள் நிரப்புவதில் தவறில்லை என சென்னை உயர் நீதிமன்றம் தெரிவித்துள்ளது.

ஆயுர்வேத படிப்புகளுக்கான மாணவர் சேர்க்கைக்காக நடத்தப்பட்ட கவுன்சிலிங் மூலம் நிரப்பப்படாமல் காலியாக இருந்த இடங்களை சில தனியார் மருத்துவ கல்லூரிகள் தாமாக முன்வந்து நிரப்பின. ஆனால் இதனை ஏற்க மறுத்த இந்திய மருத்துவம் மற்றும் ஹோமியோபதி இயக்குனரகம் கவுன்சிலிங் இன்றி சேர்க்கப்பட்ட மாணவர் இடங்கள் சட்டவிரோதம் என தெரிவித்தது. இதனை எதிர்த்து சம்பந்தப்பட்ட கல்லூரிகள் சார்பில் உயர் நீதிமன்றத்தில் மனுத்தாக்கல் செய்யப்பட்டன. அதில் கலந்தாய்வு மற்றும் மறு கலந்தாய்வு மூலம் நிரப்பப்படாத இடங்களில் தான் மாணவர்கள் சேர்க்கை நடைபெற்றதாக தெரிவிக்கப்பட்டது.

மனுவை விசாரித்த நீதிபதி ஜீ.ஆர்.சுவாமிநாதன் பிறப்பித்துள்ள உத்தரவில், கலந்தாய்வு நடத்தாமல் மாணவர் சேர்க்கை நடத்தக்கூடாது என்ற உத்தரவு இளங்கலை மருத்துவ படிப்புக்கு மட்டுமே பொருந்தும் எனவும், ஆயுர்வேதம் போன்ற இந்திய மருத்துவ படிப்புகளுக்கு பொருந்தாது எனவும் தெரிவித்துள்ளார்.

Also read... ம‌ல‌ர்க‌ண்காட்சி கோடை விழாவுக்கு தயாராகும் கொடைக்கானல்.. சுற்றுலா பயணிகள் ஆர்வம்

மேலும் இந்த விவகாரத்தில் கல்லூரிகள் தங்களது எல்லைக்குட்பட்டே செயல்பட்டிருப்பதாக நீதிபதி தனது உத்தரவில் குறிப்பிட்டுள்ளார்.

எனவே மாணவர் சேர்க்கை செல்லும் என தெரிவித்துள்ள நீதிபதி, வரும் 19ம் தேதி நடைபெறவுள்ள தேர்வுக்கு மாணவர்களை அனுமதிக்க வேண்டுமெனவும், ஏற்கனவே தேர்வெழுதிய மாணவர்களின் தேர்வு முடிவுகளை நிறுத்திவைக்காமல் உடனடியாக வெளியிட வேண்டுமெனவும் தனது உத்தரவில் குறிப்பிட்டுள்ளார்.
Published by:Vinothini Aandisamy
First published:

Tags: Madras High court

அடுத்த செய்தி