சென்னையில் இருந்து பொங்கலுக்கு சொந்த ஊர் செல்கிறீர்களா..? எல்லோரும் கோயம்பேடு செல்லாதீர்கள்... முழு விவரம்...

தமிழகத்தில் வரும் 15ஆம் தேதி பொங்கல் பண்டிகை கொண்டாடப்படுகிறது. ரயில்களின் டிக்கெட் விற்று தீர்ந்த நிலையில், கடந்த சில நாட்களுக்கு முன்பு தமிழக போக்குவரத்து கழகம் சார்பில், பொங்கல் பண்டிகையை ஒட்டி ஜனவரி 12, 13, 14 ஆகிய 3 நாட்களுக்கு 16,932 சிறப்பு பேருந்துகள் இயக்கப்படுவதாக அறிவிக்கப்பட்டது.

பொங்கல் சிறப்பு பேருந்துகள் இயக்கத்திற்காக சென்னையில் 6 இடங்களில் தற்காலிக பேருந்து நிறுத்தங்கள் அமைக்கப்பட்டிருக்கின்றது.மாநகர போக்குவரத்துக் கழகம் சார்பில் 340 இணைப்பு பேருந்துகளை இயக்க சிறப்பு ஏற்பாடு செய்யப்பட்டுள்ளது. அதன்படி எந்தெந்த நிறுத்தங்களில் இருந்து எந்தெந்த ஊர்களுக்கு பேருந்துகள் இயக்கப்படுகின்றன என்பதை போக்குவரத்து துறை அறிவித்துள்ளது.