Home /News /tamil-nadu /

அரசு விளம்பரங்களில் கருணாநிதி புகைப்படத்தை பயன்படுத்த தடை கோரிய வழக்கு ஒத்தி வைப்பு

அரசு விளம்பரங்களில் கருணாநிதி புகைப்படத்தை பயன்படுத்த தடை கோரிய வழக்கு ஒத்தி வைப்பு

மு.கருணாநிதி

மு.கருணாநிதி

இதுபோன்று மறைந்த தலைவர்களின் புகைப்படங்களை பயன்படுத்துவது வரலாற்றை திரிப்பதுடன், மற்ற முதலமைச்சர்களின் பங்களிப்பை மறைமுகமாக குறைத்து மதிப்பிட வழி வகுத்துவிடும் என்பதால், அரசு இணையதளங்களில்  கருணாநிதியின் புகைப்படங்களை பயன்படுத்த தடை விதிக்க வேண்டும் எனக் கோரியுள்ளார்.

மேலும் படிக்கவும் ...
  • News18 Tamil
  • 1 minute read
  • Last Updated :
  • Chennai, India
அரசு இணையதளங்கள், விளம்பரங்களில் மறைந்த முன்னாள் முதலமைச்சர் கருணாநிதியின் புகைப்படத்தை பயன்படுத்த தடை கோரிய வழக்கை செப்டம்பர் 23ஆம் தேதிக்கு சென்னை உயர் நீதிமன்றம் ஒத்திவைத்தது.

மதுரையை  சேர்ந்த வெங்கடேஷ் என்பவர் தாக்கல் செய்த பொதுநல வழக்கில், கட் அவுட் கலாச்சாரத்தை நீதிமன்றம் தலையிட்டு தடுத்திருக்கும் நிலையில் தற்போது புகைப்பட கலாச்சாரம் பரவி வருகிறது எனக் குறிப்பிட்டுள்ளார். உச்ச நீதிமன்ற உத்தரவின்படி, அரசு விளம்பரங்களில் குடியரசு தலைவர், பிரதமர், முதலமைச்சர்கள், உச்ச நீதிமன்ற தலைமை நீதிபதி மற்றும் அமைச்சர்களின் புகைப்படங்களை மட்டுமே பயன்படுத்த உத்தரவிட்டுள்ள நிலையில், தமிழ்நாடு அரசு தனது விளம்பரங்கள், இணையதளங்களில் மறைந்த முன்னாள் முதலமைச்சர் கருணாநிதி புகைப்படம் பயன்படுத்தப்படுவதாக குற்றம் சாட்டியுள்ளார்.

மறைந்த முன்னாள் முதல்வரின் புகைப்படத்தை அரசு விளம்பரங்கள், இணையதளங்களில் பயன்படுத்துவது உச்ச நீதிமன்ற உத்தரவையும், அரசியல் சாசனத்தையும் மீறிய செயல் என அந்த மனுவில் குறிப்பிடப்பட்டுள்ளது. இதுபோன்று மறைந்த தலைவர்களின் புகைப்படங்களை பயன்படுத்துவது வரலாற்றை திரிப்பதுடன், மற்ற முதலமைச்சர்களின் பங்களிப்பை மறைமுகமாக குறைத்து மதிப்பிட வழி வகுத்துவிடும் என்பதால், அரசு இணையதளங்களில்  கருணாநிதியின் புகைப்படங்களை பயன்படுத்த தடை விதிக்க வேண்டும் எனக் கோரியுள்ளார்.

மேலும், முன்னாள் முதலமைச்சர்கள் மற்றும் சட்டப்படி அனுமதிக்கப்படாத தலைவர்களின் புகைப்படங்களை பயன்படுத்தக்  கூடாது என அனைத்து துறைகளுக்கும் சுற்றறிக்கை அனுப்ப தலைமைச் செயலாளருக்கு உத்தரவிட வேண்டும் எனவும் அந்த மனுவில் கோரியுள்ளார்.

இந்த மனு தலைமை நீதிபதி முனீஷ்வர்நாத் பண்டாரி மற்றும் நீதிபதி மாலா அமர்வு முன்பு விசாரணைக்கு வந்தபோது, வழக்கில் தமிழில் தாக்கல் செய்யப்பட்டுள்ள ஆவணங்களை ஆங்கிலத்தில் மொழிபெயர்த்து தாக்கல் செய்ய மனுதாரருக்கு உத்தரவிட்டு வழக்கு விசாரணையை செப்டம்பர் 23ஆம் தேதிக்கு ஒத்திவைத்தனர்.
Published by:Siddharthan Ashokan
First published:

Tags: DMK Karunanidhi, Madras HC, Tamilnadu govt

அடுத்த செய்தி