Home /News /tamil-nadu /

பரந்தூர் விமான நிலையம் : "அரசு இரட்டை கொள்கையை கையாள்கிறதா" - திருமாவளவன் கேள்வி

பரந்தூர் விமான நிலையம் : "அரசு இரட்டை கொள்கையை கையாள்கிறதா" - திருமாவளவன் கேள்வி

தொல்.திருமாவளவன்

தொல்.திருமாவளவன்

மக்களின் கோரிக்கைகள் அனைத்தையும் முதல்வரை சந்திக்கும்போது எழுத்துப்பூர்வமாக வழங்க இருப்பதாக தொல்.திருமாவளவன் தெரிவித்துள்ளார்.

  • News18 Tamil
  • 2 minute read
  • Last Updated :
  • Chennai, India
    பரந்தூர் விமான நிலையம் விவகாரத்தில் அரசு இரட்டை கொள்கையை கையாள்கிறதா என விசிக தலைவர் தொல்.திருமாவளவன் எம்.பி. கேள்வி எழுப்பியுள்ளார்.

    காஞ்சிபுரம் மாவட்டம், பரந்தூரில் சென்னையின் இரண்டாவது புதிய விமான நிலையம் அமைக்கப்படவுள்ளதாக மத்திய மாநில அரசுகள் அறிவித்துள்ளன. இதில் காஞ்சிபுரம் தாலுகாவிற்கு உட்பட்ட பரந்தூர்,வளத்தூர், தண்டலம், நெல்வாய், மேல்பொடவூர், மடப்புரம், மற்றும் ஸ்ரீபெரும்புதூர் தாலுகாவிற்கு உட்பட்ட எடையார்பாக்கம், குனராம்பாக்கம் மகாதேவி மங்கலம், ஏகனாபுரம்,சிங்கல்படி உள்ளிட்ட 12 கிராமங்களை உள்ளடக்கிய பகுதிகளில் 4750 ஏக்கர் பரப்பளவில் விமான நிலையம் அமைப்பதற்கான பணிகள் தொடங்கப்பட உள்ளதாக தெரிவிக்கப்பட்டுள்ளது.

    இந்நிலையில் பரந்தூர் விமான நிலையம் அமைக்க 12 கிராமத்தைச் சேர்ந்த மக்களும் எதிர்ப்பு தெரிவித்து வருகின்றனர். அதிலும் குறிப்பாக விளை நிலங்களுடன் குடியிருப்புகளும் அகற்றப்பட வாய்ப்புள்ளதாக அறிந்து ஏகனாபுறம் மக்கள் தினம்தோறும் வேலைக்கு சென்று விட்டு வந்து இரவு நேரங்களில் போராட்டங்களை நடத்தி தங்களது எதிர்ப்பை தெரிவித்து வருகின்றனர்.

    அந்த வகையில் இன்று 55வது நாளாக ஏகனாபுரம் மக்கள் போராட்டம் நடத்தி வருகின்றனர். அதனை விசிக கட்சித் தலைவர் தொல்.திருமாவளவன் பார்வையிட்டு அப்பகுதி மக்களிடம் குறைகளை கேட்டு வந்தார்.

    ALSO READ | தென்காசியில் தீண்டாமையால் மாணவர்களுக்கு தின்பண்டங்கள் மறுப்பு... மதுரையில் இருந்து 5 கிலோ தின்பண்டங்களை அனுப்பிய சமூக ஆர்வலர்கள்

    பின் செய்தியாளர்களை சந்தித்த தொல்.திருமாவளவன்,1350 ஏக்கர் நீர்நிலை பகுதியை அழித்தால் தான் விமான நிலையம் அமைக்க முடியும் எனில் பரந்தூர் விமான நிலைய விவகாரத்தில் அரசு இரட்டை கொள்கையை கையாள்கிறதா, ஆயிரம் ஆண்டுகளுக்கு மேலாக இருக்கும் 100க்கும் மேற்பட்ட இந்து கோவில்கள் அழிப்பதும் ஆரோக்கியமானது அல்ல,  சென்னைக்கு குடிநீர் ஆதாரமாக விளங்கும் செம்பரம்பாக்கம் ஏரிக்கு செல்லும் கம்பன் நீர் கால்வாய் 7 கி.மீ அழிவதால் குடிநீர் தட்டுப்பாடு ஏற்பட வாய்ப்புள்ளது.

    ஆகவே இவற்றை கருத்தில் கொண்டு அரசு செயல் திட்டத்தில் மாற்றம் செய்ய வேண்டும், நிலப்பரப்பில் விமான நிலையம் அமைக்க மாற்றம் செய்ய வேண்டும். மேலும் மக்களின் கோரிக்கைகள் அனைத்தையும்  முதல்வரை சந்திக்கும்போது எழுத்துப்பூர்வமாக  வழங்க இருப்பதாக தொல்.திருமாவளவன் தெரிவித்துள்ளார்.

    செய்தியாளர் : சந்திரசேகர்
    Published by:Sankaravadivoo G
    First published:

    Tags: DMK, Thirumavalavan, VCK

    அடுத்த செய்தி