ஆன்லைன் ரம்மி சூதாட்டம் இல்லை.. திறமைக்கான விளையாட்டு - தடையை நீக்கக்கோரி நீதிமன்றத்தில் வாதம்

மாதிரிப்படம்

ஜல்லிக்கட்டுக்கு அனுமதியளிக்கும் அரசு,  ஆன்லைன் விளையாட்டிற்கு மட்டும் தடை விதித்து சட்டம் இயற்றி உள்ளது என மனுதாரர் தரப்பு வாதம்.

  • Share this:
ஆன் லைன் ரம்மி விளையாட்டு தடை செய்யப்பட்டதை எதிர்த்து தொடரப்பட்ட வழக்கில் ஆக்ஸ்ட் 3ம் தேதி தீர்ப்பு வழங்கவுள்ளதாக சென்னை உயர்நீதிமன்றம் தெரிவித்துள்ளது. 

ஆன் லைன் ரம்மி, போக்கர் போன்ற சூதாட்ட விளையாட்டுகளுக்கு தடை விதித்து கடந்த 2020ம் ஆண்டு நவம்பர் 21 ம் தேதி தமிழக அரசு  சட்டம் இயற்றியது. இந்த  சட்டத்தை ரத்து செய்யக்கோரி ஜங்லி கேம்ஸ், ப்ளே கேம்ஸ், ரீட் டிஜிட்டல் ஆகிய நிறுவனங்கள் சார்பில் சென்னை உயர் நீதிமன்றத்தில் வழக்குகள் தொடரப்பட்டன.

Also Read:  அதிமுகவில் யாரும் அதிருப்தியில் இல்லை - டெல்லியில் எடப்பாடி பழனிசாமி பேட்டி

இந்த வழக்குகள்  தலைமை நீதிபதி சஞ்சிவ் பானர்ஜி மற்றும் நீதிபதி செந்தில் குமார் ராமமூர்த்தி அடங்கிய அமர்வு  முன்பு விசாரணைக்கு வந்தது. மனுதாரர் தரப்பில் ஆஜரான மூத்த வழக்கறிஞர்கள் அபிஷேக் மனுசிங்வி, ஏ.கே. கங்குலி, ஆரியமா சுந்தரம், பி.எஸ்.ராமன், கடந்த 5 ஆண்டுகளில் ஆன்லைன் விளையாட்டிற்கு அடிமையாகி சில மரணங்கள் நிகழ்ந்ததால் இந்த விளையாட்டிற்கு தடை விதித்ததாக தமிழக அரசு சார்பில் தெரிவிக்கபட்டது.

ஆனால், ஜல்லிக்கட்டு போட்டியின் போது ஒவ்வொரு ஆண்டும் 20 பேர் வரை பலியாவதாகவும், உச்ச நீதிமன்றமும் ஜல்லிக்கட்டு போட்டிக்கு தடை விதித்தும், மாநில அரசு சட்டம் இயற்றி ஜல்லிக்கட்டை தொடர்ந்து நடத்தி வருவதாகவும் வாதிட்டனர்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

ஜல்லிக்கட்டுக்கு அனுமதியளிக்கும் அரசு,  ஆன்லைன் விளையாட்டிற்கு மட்டும் தடை விதித்து சட்டம் இயற்றி உள்ளதாகவும்,  இது திறமைகளுக்கான விளையாட்டு என்றும்  சூதாட்டம் இல்லை எனறும் வாதிட்டனர். மேலும், எந்தவொரு காரணங்களும் இல்லாமல் இந்த தடை விதிக்கப்பட்டுள்ளதாகவும் தெரிவித்தனர்.'

Also Read:  இயற்கையை ரசிக்க சென்ற இடத்தில் விபரீதம்.. மரணத்துக்கு சில நிமிடங்களுக்கு முன் பெண் மருத்துவர் வெளியிட்ட பதிவு வைரல்..

தமிழக அரசு சார்பில் ஆஜரான அரசு தலைமை வழக்கறிஞர் சண்முக சுந்தரம்,  இந்த விளையாட்டால் நிறைய பேர் ஏமாற்றப்பட்டுள்ளதாகவும், பொது நலனை கருத்தில் கொண்டு  இந்த சட்டம் இயற்றபட்டதாகவும், இந்த சட்டத்தை இயற்ற முழு அரசுக்கு அதிகாரம் இருப்பதாகவும் தெரிவித்தார்.அனைத்து  தரப்பு வாதங்களும்  நிறைவடைந்ததை அடுத்து,  தலைமை நீதிபதி அமர்வு,  இந்த வழக்குகளின் தீர்ப்பை ஆக்ஸ்ட் 3ம் தேதிக்கு   தள்ளி வைத்தது.



உடனடி செய்திகளுக்கு இணைந்திருங்கள்.
Published by:Ramprasath H
First published: