• HOME
  • »
  • NEWS
  • »
  • tamil-nadu
  • »
  • News18 Impact: ரேஷன் கார்டு தரவுகள் திருட்டு... தனிப்படை அமைத்து அரசு விசாரணை

News18 Impact: ரேஷன் கார்டு தரவுகள் திருட்டு... தனிப்படை அமைத்து அரசு விசாரணை

Youtube Video

முடக்கப்பட்டதாக கூறப்படும் ரேஷன் சர்வரில் 2 கோடியே 60 ஆயிரம் ரேசன் கார்டுகளின் தரவுகள் பதிவு செய்யப்பட்டுள்ள நிலையில், ஆதார் அட்டை பயனீட்டாளர்களின் கைரேகைகள் திருடப்பட்டிருக்கலாம் எனவும் அச்சம் எழுந்துள்ளது.

  • Share this:
தமிழ்நாட்டின் ரேசன் கார்டு பயனாளர்களின் தரவுகள் திருடப்பட்டதாக புகார் எழுந்துள்ளது. இதுதொடர்பாக நியூஸ் 18 தொலைக்காட்சி சிறப்பு செய்தி வெளியிட்டதன் எதிரொலியாக, சைபர் கிரைம் விசாரணைக்கு உத்தரவிடப்பட்டுள்ளதாக உணவுத்துறை செயலாளர் நஜூமுதீன் தெரிவித்துள்ளார்.

தமிழ்நாட்டின் பொது விநியோகத்துறையின் இணையம் கடந்த 26ம் தேதி முடக்கப்பட்டு, தமிழக பொது விநியோகத்துறை தரவுகள் இணையத்தில் விற்பனைக்கு என குறிப்பிடப்பட்டிருந்தது. வியட்நாமை சேர்ந்த கும்பல் இணையத்தை முடக்கியிருக்கலாம் என சந்தேகிக்கப்படுகிறது.

மேலும் இணையத்தை ஹேக் செய்த கும்பல் 1945-VM என்ற முத்திரையை விட்டுச் சென்றதாக குற்றஞ்சாட்டப்பட்டுள்ளது. இதுதொடர்பாக மும்பையை சேர்ந்த சேவ்தெம் இந்தியா பவுண்டேசன் அமைப்பு சிவில் சிஐடி போலீசில் புகார் அளித்துள்ளது.




பயனாளர்களின் ஆதார் அட்டை விவரங்கள், செல்போன் எண்கள், முகவரிகள் இணையத்தில் பகிரப்பட்டுள்ளதாகவும் ஆதாரத்துடன் புகார் அளிக்கப்பட்டுள்ளது. முடக்கப்பட்டதாக கூறப்படும் சர்வரில் 2 கோடியே 60 ஆயிரம் ரேசன் கார்டுகளின் தரவுகள் பதிவு செய்யப்பட்டுள்ள நிலையில், ஆதார் அட்டை பயனீட்டாளர்களின் கைரேகைகள் திருடப்பட்டிருக்கலாம் எனவும் அச்சம் எழுந்துள்ளது.

தரவுகளை சேகரிக்கும் தனியார் நிறுவனங்களின் இணையத்தை ஹேக் செய்து, ஹேக்கர்கள் திருடினார்களா என்பது குறித்து உரிய விசாரணை நடத்தப்பட வேண்டும் என கோரிக்கை எழுந்துள்ளது.

இதுதொடர்பாக நியூஸ் 18 தொலைக்காட்சி சிறப்பு செய்தி வெளியிட்டது. இந்நிலையில் தரவு திருட்டு குறித்து யாரும் அச்சப்படத் தேவையில்லை என்றும், ரேஷன் அட்டை பயனாளர்களின் தரவுகள் பத்திரமாக உள்ளதாகவும் உணவுத்துறை செயலாளர் நஜூமுதீன் தெரிவித்துள்ளார். தரவு திருட்டு விவகாரம் குறித்து சைபர் கிரைம் விசாரணைக்கு உத்தரவிடப்பட்டுள்ளதாகவும், தனிப்படை அமைக்கப்பட்டு விசாரணை துரிதப்படுத்தப்படும் எனவும் நஜூமுதீன் கூறியுள்ளார்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Yuvaraj V
First published: