காதல் திருமணம் செய்த மகள்.. என் பொண்ண இறக்கிவிட்டு போங்க.. போலீஸ் ஜீப் முன்பு படுத்து போராடிய பெற்றோர்

போலீஸ் ஜீப் முன்பு போராடிய பெற்றோர்

காதல் திருமணம் செய்த மகளை கீழே இறக்கி விட்டு செல்லுமாறு பெற்றோர்கள் போலீஸ் ஜீப் முன்பு படுத்து அழுது புரண்டு போராடினர்.

  • Share this:
    காதல் திருமணம் செய்த மகளை இறக்கிவிட்டு செல்லுமாறு போலீஸ் ஜீப் முன்பு படுத்து போராடிய பெற்றோரால் நாமக்கல் கோர்ட்டு வளாகத்தில் பரபரப்பு ஏற்பட்டது.

    நாமக்கல் மாவட்டம் ராசிபுரம் தாலுகா தாண்டாகவுண்டம்பாளையம் பகுதியை சேர்ந்தவர் பச்சியப்பன். இவருடைய மகள் பவதாரணி.  இவரும் அதே பகுதியை சேர்ந்த மணி (வயது 25) என்பவரும் காதலித்து வந்தனர். இருவரும் வெவ்வேறு சாதியை சேர்ந்தவர்கள் என்பதால், இவர்களின் காதலுக்கு பவதாரணி பெற்றோர் எதிர்ப்பு தெரிவித்தனர். இதனிடையே வீட்டை விட்டு வெளியேறிய இந்த காதல் ஜோடியினர் திருமணம் செய்து கொண்டனர். இதையடுத்து நேற்று முன்தினம் நாமக்கல் மாவட்ட போலீஸ் சூப்பிரண்டு அலுவலகத்தில் இருவரும் பாதுகாப்பு கேட்டு தஞ்சம் அடைந்தனர்.

    Also Read:  எம்.ஜி.ஆர்., ஸ்டாலின் வழியில் 'திராவிட நடிகர்' உதயநிதி.. புகழ்ந்து தள்ளிய எ.வ.வேலு

    அவர்களை நேற்று போலீசார் நாமக்கல் மாவட்ட கூடுதல் மகிளா கோர்ட்டில் ஆஜர்படுத்தினர். நீதிபதி விஜயன் 2 பேரிடமும் விசாரணை நடத்தினார். அப்போது பவதாரணி, கணவர் மணியுடன் தான் செல்வேன் என கூறினார். அவர்கள் திருமண வயதை அடைந்து விட்டதால், விருப்பப்படி செல்லலாம் என நீதிபதி கூறினார்.

    Also Read: நள்ளிரவில் வீடுகளை நோட்டமிடும் மர்ம நபர்கள்.. அதிகரித்த திருட்டுகள் அதிர வைக்கும் சிசிடிவி காட்சிகள்

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
    போலீஸ் ஜீப் முன்பு படுத்தனர்

    இதையடுத்து போலீசார் அவர்களை தங்களது ஜீப்பில் அழைத்து செல்ல முயன்றனர். அப்போது அங்கு வந்த பவதாரணியின் பெற்றோர் தங்களது மகளை கீழே இறக்கி விட்டு செல்லுமாறு போலீஸ் ஜீப் முன்பு படுத்து அழுது புரண்டு போராடினர். இதனால் கோர்ட்டு வளாகத்தில் பரபரப்பு ஏற்பட்டது. இதற்கிடையே காதல் ஜோடியை மற்றொரு வாகனத்தில் ஏற்றி, போலீசார் பாதுகாப்புடன் அங்கிருந்து அனுப்பி வைத்தனர். பின்னர் பவதாரணியின் பெற்றோரை சமரசம் செய்து அனுப்பி வைத்தனர்.



    உடனடி செய்திகளுக்கு இணைந்திருங்கள்.
    Published by:Ramprasath H
    First published: