ஆசிரியர் தகுதித்தேர்வு முடித்தவர்களுக்கு கால நீட்டிப்பு கிடையாது - அமைச்சர் செங்கோட்டையன்

கடந்த 2013-ம் ஆண்டு நடைபெற்ற ஆசிரியர் தகுதித்தேர்வு முடித்தவர்களுக்கு கால நீட்டிப்பு மீண்டும் வழங்க முடியாது என்று அமைச்சர் செங்கோட்டையன் தெரிவித்துள்ளார்.

ஆசிரியர் தகுதித்தேர்வு முடித்தவர்களுக்கு கால நீட்டிப்பு கிடையாது - அமைச்சர் செங்கோட்டையன்
அமைச்சர் செங்கோட்டையன்
  • News18
  • Last Updated: September 1, 2020, 1:30 PM IST
  • Share this:
1 முதல் 8-ம் வகுப்பிற்கு ஆசிரியர் பணிக்கு செல்பவர்கள் ஆசிரியர் தகுதி தேர்வு TET கட்டாயம் முடித்திருக்க வேண்டும் என்பது விதியாகும்.

அதன்படி ஆசிரியர் தகுதி தேர்வு  கடந்த 2011-ம் ஆண்டு நடத்தப்பட்டது. அதனையடுத்து 2013, 2014, 2017 மற்றும் 2019 ஆம் ஆண்டுகளில் தேர்வுகள் நடத்தப்பட்டன. ஆசிரியர் தகுதி தேர்வுக்கான காலக்கெடு என்பது ஏழு ஆண்டுகள் ஆகும்.

Also read... கொரோனா நோயாளிகளுக்காக கூடுதலாக 118 அவசர ஊர்திகள் - தொடங்கி வைத்த முதல்வர்


அதன்படி 2013ஆம் ஆண்டு ஆசிரியர் தகுதித்தேர்வு முடித்தவர்களுக்கு கடந்த மார்ச் மாதத்துடன் காலக்கெடு முடிவடைந்தது.  இவர்களுக்கான கால அவகாசத்தை நீட்டிக்க பல்வேறு தரப்பில் இருந்தும் கோரிக்கை முன்வைக்கப்பட்டது.



இந்த நிலையில் இன்று செய்தியாளர்களிடம் பேசிய அமைச்சர் செங்கோட்டையன் 2013-ம் ஆண்டு ஆசிரியர் தகுதித்தேர்வு முடித்து ஆசிரியர் பணிக்கு காத்திருப்பவர்களுக்கு வாய்ப்பு மீண்டும் வழங்கப்பட மாட்டாது என்றும் அவர்கள் மீண்டும் தேர்வு எழுத வேண்டும் என்றும் தெரிவித்தார்.

கடந்த 2013-ம் ஆண்டு நடைபெற்ற ஆசிரியர் தகுதித் தேர்வில் 94,000 பேர் தேர்ச்சி பெற்றனர். இவர்களில் 14,000 பேர்களுக்கு ஆசிரியர் பணி வழங்கப்பட்டது. மீதமிருக்கும் 80,000 நபர்களுக்கு பணி வழங்கப்படாமல் உள்ளது குறிப்பிடத்தக்கது.
First published: September 1, 2020
மேலும் பார்க்க
அடுத்து செய்திகள்

Top Stories

corona virus btn
corona virus btn
Loading